شنطة سفر

حبيت انقل لكم قصيدة لشاعري المفضل محمد الوسمي شاعرمبدع وحساس كلماته تدخل الى القلب لتحرك مشاعرك [youtube]
واضيع في زحمة دروب البعد.. والقاك اتجاه
عطيتي النسيان فرصه ياخذك مني غدر
ولا عطيتي عاشقك فرصه يودع بك غلاه
وجهك يمرّه في زحام البال بوجيه البشر
وتقف عليك الذاكرة ويصيح: قلبك من خذاه؟
ما خلت رياح الغياب بقلب محبوبك شجر
نسيانه يراوده عن حبك ولكن مانساه
ما كان مختارك زمن يمضي، ولا نزوه تمر
اختارك العمر الذي كل ما كبر يكبر معاه
يدري رجوعك مستحيل، وصعب.. لكن ينتظر
مثل انتظار المغترب للموطن اللي ما لقاه
اللي يحبك كان يبحث لك ورى بعدك عذر
واليوم يبحث عن عذر للمقبل اللي فيك تاه
خلاك للدرب الطويل، ولليالي والقدر
كنتي بعينه دمعه الغالي .. وودعك .. وبكاه