اذا قصــدك تهــين ســـ....؟؟؟؟

[poet font="Simplified Arabic,4,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
عـفا الله عن خطا غدر الخناجر والضلوع ابطال=بـسامح واتـركك تـحت الـظلام الحالك لحالك
دخـيلك وفـر دمـوعك ترى هدر الدموع اذلال=وتـرى مـا فيه احد يصبر مثل صبري بغربالك
انـا عـيب عـلي أنـقض كلامي والرجال افعال=واذا قلت اقـطع احبالك تـراني بقطع حبالك
عـشان اكسب هدب عينك تجرعت العذاب اشكال=وليتك تـرأف بـحالي عـلشان ارأف بـحالك
مـسوي فـي حـياتي شـي مـا يذكر ولا ينقال=حـشا حتى العدو وهو العدو ما يعمل اعمالك
تـمسيني عـلى الهم وتـصبحني على الغربال=تـقـلطني فـنـاجيلك وتـقصر عـني دلالـك
تـحملت التعب لـجلك وانـا حـملي يهد جبال=رحـلت مـن الـعذاب وما وقفت الا على جالك
عـلامك كـل مـا جيك متواضع جيتني تختال=مـعاك الـيا مـتي بصبر وصبري معك يحلالك؟
مـثل ما اقـبلت لـعيونك لـزوم تلد لي باقبال=ومـثل ما قد حشمتك حس واحشم قلبي اشوى لك
أنا مـحدن بـجابرني أسـاير مـعك هالمنوال=تـرى لانـي تـبيع لـك ولا ني باصغر عيالك
أنا جيت اعشقك نبض ومشاعر ما اعشقك تمثال=أنا جيت اسكنك واحياك وابقى فيك وابقى لك
أنـا جـيت بظما عاشق تعب يطرد سراب اللال=أنـا جـيت اسـتفز رضـاك من فرقاك والجا لك
أنـا مـا هـمت بك عاقل أنا كنت اعشقك بخبال=أنـا مـا كـنت احبك حي أنا كنت اعشقك هالك
تـخيل مـن كـثر مـااخاف تلقى للزعل مدخال=أخـاف اخطي على طيفك وادوس برجلي ظلالك
تـبعتك والـعرب تـتبع رعـود الـبارق الهمال=وانـا شـفت الـمطر يـتبعك في حلك وترحالك
كـأن الـلي خلق حسنك خلقني مع جسدك ظلال=وصـرت اقـرب جسد يمشي معك باقفاك واقبالك
أبي قـلبك يحس انـه فـقد بـمحبته رجـال=مـلكته مـن هدب عين وخسرت رضاه باهمالك
صـحيح ان الفراق اقـسى ولكن الوصال محال=أنـا صعبن علي أرضي غرورك واضعف قبالك
بـعد مـا حـققت عـيني فـبعدك لـلرقاد امال=أعـود لـلسهر؟ -- يـا خوي فال الله ولا فالك!
بـبدل نـظرتك فـيني واجـي لك كل يوم بحال=بكون اقـرب مـن ثـيابك عـليك ولا تهيا لك
بـالمك وانـثرك واجمعك وارجع وانثرك باهمال=بخونك وازعلك وارضيك وازعل منك وارضى لك
أبـرسم بـالثرى وجـهك وابدفن صورتك برمال=أبـشكي لـلعرب فـرقاك واضـحك عند عذالك
أبـهديك الـوصال فـراق واهديك الفراق وصال=بـسوي مـثل مـا شـوفك تسوي وافعل افعالك
عـشان تـعرف من فينا الزعول ومن وسيع البال=أبـيـك تـذوق فـنجالي وانـا بـذوق فـنجالك
نـصيحة واحـتفظ فيها قصر معك الزمن أو طال=أبـي تـسمع كـلامي زيـن وتـحطه على بالك
اذا حـبك هـبال اطـفال لك عندي هبال اطفال=ولا وابـشر بـعد بـهبال حـب مـا هو بهبالك
واذا قـصدك تـهين ســامي عشان تشمت العذال=تـرى لا انـته ولا غيرك ولا عشرة من اشكالك
[/poet]

وتــقـبــلــو خــالــص الــحــب والتــقــديــر


ابن الضفــيره