فن الكتابة ..على طريقة الحـب الحـب ....

السلام عليكم ورحمه الله وبركاته

فن الكتابة للعلم والأفادة للأعضاء الجدد<< على طريقة الحب الحب

اخواني واخواتي الي يبون يدخلون في معركة القلم في منتدى بني عمرو

1/ اذا ودك تسجل في منتدى جديد حاول تشوف منهم اعضائة المميزين واحفظ أسمائهم تحتاجهم بعدين x



2/ مثل العادة تدخل والعبارة الشهيرة ( انا مشترك جديد فهل من مرحب )


طبعاً مافية احد بيعطيك وجه انت وحظك كويس اذا رحب فيك 2 او ثلاث


من الأعضاء وعادة ما يرحب فيك الا المشرفين علشان إدارة الموقع لا ينزلونهم من الاشراف


3/ في البداية لا تتدخل في أي هوشه تشوفها بين عضوين بعدين ينقلبون عليك



4/ في البداية لا تحط موضوع لك حاول انك بس ترد وخاصة على الأعضاء المميزين وكيل المدح والشكر والثناء لمواضيعهم حتى وان ما قريتها ( نافق قد ما تقدر )




5/ حذاري انك تحط موضوعك في نهاية الاسبوع اغلب الأعضاء يا يتسوقون او يتنزهون وما بتحصل في نهاية الاسبوع الا الأعضاء المبتدئين مثلك

6/ أنتبة تحط موضوعك في بداية الاسبوع كل الأعضاء ناشطين وعندهم مواضيع ويتسابقون على طرحها بعدين يروح موضوعك في ذيل الصفحة واحتمال يطيح تحت جهازك

7/ فترة الصباح لا تنزل فيها أي موضوع الشباب كلاً في مدرسته وجامعته وعملة وما بتلاقي الا ربات البيوت اللي يدورون مواقع الأسرة والطفل والطبخ والنفخ

8/ نزل موضوعك يوم الاثنين يكون الجو رايق والأعضاء خلصو من مواضيعهم وفاضين للرد واختار الوقت دائماً بعد صلاة العصر المزاج عال وكاسات الشاهي في هذا الوقت شغالة في يد الأعضاء



9/ عادة البنات في البداية بيردوا على مواضيعك احترمهم قد ما تقدر ولا تخاطبهم الا بالأخت او أختاه ولا تتميلح معهم تراهم بنات حمايل ومحترمات وما يحبون المجاملات الزايدة عن حدها والا بيقطعون وجهك

10/ انتبه انك تكتب بأودعكم ومن ها الكلام ترى ما فية احد بيعبرك فأحسن لك اذا بغيت تنسحب انسحب بكل هدوء ولا احد يحس عليك وسو زي كذا وقول باااي





والموضوع ترا طرحته ترحيب بالاعضاء الجدد من باب الفكاهه والدعابة فقط وحيااااااكم الله

تحيااااااااااااااتي


الحب الحب