حبيبي نام ياعمري

حبيبي نام ياعمري على صدري وصارحني وفض الصمت باحساسك وخل الحب لي يجري **** وفضفض لي بعد عمري وعاتبني وفهمني أنا اطري على بالك كثر ما أنته علي تطري **** تعال اقرب من أحضاني ترى خدك مواعدني يبي يلامس شغف روحي ويقطف بوحي من شعري **** تعال انثر هنا ليلك وخل ويلك يولعني أنا أحبك وأبي قربك ترى مني قضى صبري **** أنا نبضك زهر أرضك وأنت ايــــــــه تملكني بنحل خصرك ,, جمر ثغرك وزود بلونك الخمري **** تتوهني تغرقني ومن بردك تدثرني وتبكي لي وتشكي لي وله قلبك ومن سحري **** أبي دموعك مع أنفاسك بصدق الود تحرقني وأبي عطرك مع سحرك وآهــــــــــك بالحشا تسري **** أبي همسك يبعثرني غلا ولمسك يلملمني وأبي عيونك من عيوني تذوب ومن الولع كثري **** وأبي عهدك مع وعدك وأبي كلك تسلمني **** وتحييني بـ هلا شوقك حلا ذوقك يشتتني يلوعني و يأسرني ويملك بالغــــــلا فكري **** ابي ايدك تسافر بي وزهر قدك يلحفني وأهيم بعالمك عاشق جنوني انت وانت بي تدري **** تشوف الجمر بعيوني تشوف الشوق جنني أجل تدري مثل ما أدري بأنك حلمي يا بدري ***** حبيبي قوم وصارحني عن احساسك وعلمني أنا أطري على بالك كثر ما أنته علي تطري