الباور هورس ياقلبي باور خرطي..

اس اس السلام عليكم اس اس
تااايب
<<..ابك ميااااو
خخخخخخخخخخخخخخخخخ

اقروا وشوفوا:


استيقظت ذات عصريتن وانا ما بين نايمتن وقايمتن افرّك في هالعيون واحكحك في هالكشه والقمل يزاعقون ويصايحون " جعلتس المرض وش عندتس مزعجتنا"
وتدخل امي وتلقي علي الموشح المعتاد
" نهارتس رقاد .. وليلتس سهاد .. لا قعادن مع هلتس .....
انا << ولا قيامن مع العباد
خخخخخخخخخ يمه حفظتها من كثر ما تقولينها
امي << قومي طاح حظتس في قوطين مسدود مزبورن رجة قرود
انا << خخخخخخخخخخخخخ
يمه وش دخل القرود في القوطي ؟
امي << قومي بلا لكاعه وش دراتس انتي ذا لزوم السجع
اخلصي علينا اليوم بنروح نتمشى.
انا << احلى يا نتمشى
وين؟
امي << في ربوع بلادي .. قومي بس اخلصي لا تاخريننا
وانا اللي انط ذيك النطه واطير اغسل وجهي وماش ما فيني ذاك النشاط . وابوي راكب السياره واخواني ذا المبزره مرتزين ويظّربون انواع البواري وانا بالقوه اتسحب.. وفي طريقي روحت اخوي للبقاله وقلت له جب لي شي بارد بسرعه قبل نروح واركب السياره واخوي يعطيني ذاك القوطي.
انا << يدك على الباقي
اخوي << ما بقى الا ريال وخذته
انا << عمن عماك ذا القوطي بأربعه
واعاين فيه الا مكتوبن عليه شراب القوه . قلت خل اشربه واشوف وش زوده يوم يخلونه بأربعه .
ومن شربته الا واحس بشي يدغدغ يخليني ودي انط وافزع واسوي كل شي.
ومن وصلنا قمت اطامر اخواني واحول اول وحده وأشيل زمزميات القهوه والشاهي عن امي وامي مستغربه خايفه تقول شي واهوّن.
وأشيل كل الاغراض واسبقهم واقص التذاكر وادخّل اخواني قدامي وافرّ المنتزه لين حصلت مكان حلو واحط الاغراض فيه ومن قوّه الحطّه تكسرت زمزميات امي وفناجيلها وبيالاتها ولاغتني..
"بيني وبينكم هو ضاق صدري شوي بس ما علي من احد شديده"
ورحت اتمشى الا واشوف لكم ذيك العجيز اللي يالله تمشي وماده يدها وانا اللي تاخذني النخوه و القط يدها واقول " يدتس يا خاله وش بغيتي ؟"
وما دريت الا وانا متكرفسه على وجهي والحرمه جنبي .
الحرمه << جعلك العمى ما تشوفين يالملقوفه <<<<<<< طلعت بنت صغيره توها لابسه العبايه وتتعلم على السكيتي
وزي ما قلت لكم انا ما همني يا جبل ما يهزك ريح واقوم تسن ما صار شي وأكمل طريقي بكل ثقه يمكن احد يحتاج مساعدتي..
الا وأشوف لكم ذيك البنت المسيكينه تمشي مسرعه وخايفه ووراها واحد يلاحقها وهي تمشي وهو يمشي وأنا ولا يهمكم امشي وراهم.. ما راح اخلي البنت لحالها وما دريت الا ويحط يده على كتفها ويقول " لي متى بتمشين .. هنا حلو ما فيه احد يا حلوه "
والبنت تطالعه وهي خايفه وعيونها تلاقط وتقول " لا ما ابي "
واخبط الرجال بشنطتي على وجهه وانا ازاعق " يا دزليل الحيا ياللي ما تستحي على وجهك "
واقول للبنت " لا تخافين بسرعه انحاشي لهلتس "
والبنت ما تحركت ما غير تطالع فيني هي وايا الرجال...؟؟؟؟
ما يحتاج اقول وش صار .. طلع الرجال زوجها وانا على قولتهم مالك الا غبرتها...
وانا امشي قلت خلاص بلا فزعات بلا هم وما دريت الا وألقى ذيك البنيه الصغيره ام سنتين في المسبح لحالها تغوص وتطفح
انا اطالع.. قلت لا تتسرعين يا بنت خاف البنيه تمزح والا تستعرض وتسوي حركه
واناظر وماش البنت تغرق
البنت تغرق <<< وازعق واتلفت حولي ومابه احد.
قلت افزعي يابنت قبل ما تروح الروح . وأطب في المسبح بعباتي سبحت شوي وانا في نص المسبح تذكرت اني ما اعرف اسبح وقمت اطوفح واغوص مع البنت .. مره هي تطفح وانا اغوص ومره انا اطفح وهي تغوص غدينا تسننا في مراجيح شوي الا وينتبهون لنا الناس ويطبون البزارين ويطلعون البنيه وانا جاني وليد ابو عشر سنين وقال وقفي على رجليك ترى المويه مهيب غويطه.. ويوم مديت رجلي الا المويه يالله توصل بطني الله يفشلني.
وأطالع الا والناس تناظر وانا شكلي نكته . عباتي طايحه على كتوفي ونقابي مايل طالعه عيون وحده وخشم وعلى جنب اذني طالعه مدري وشلون طلعت واقوم اتزين واطلع وانا اتنافظ واقوطر ونعالي مليانه مويه .. فصختها وكبيت المويه حتى طلع سمك بعد وامشي وانا بردانه وبراطمي زرق وتتهزهز لين وصلت اهلي وانا اقول :


"مشينا لبيتنا بس لا بارك الله فيه من باور هورس ذا باور خرطي"


اووووش


منـــــ اوش ـــــاوي