جديد قصائدي .... ( قرب الرحيل ) !

بسم الله الرحمن الرحيم

هذه قصيدة كتبتها قبل فترة بسيطة من الزمان ولها مناسبة خاصة وحبيت أطرحها في هذا المنتدى الغالي وأتمنى أن تنال إعجاب الجمـــــــــــــع ،،،،،،

قرب الرحيل وقربت ساعته جات
وذكر الفراق وساعته عذبتني

وابكي على ماصار واللي مضى فات
ودمع العيون يهل عــيّا يــونــــي

ياليتني ببقى له اوقات و أوقات
لكن ظروفي قاسية وامنعتني

دنيان تقلب بين حزة و حزات
عيت معي تمشي ولا طاوعتني

ياشينها فرقى المحبين بالذات
حلت عليّ من دون ماشا ورتني

ياهل الهوا انا اموت في اليوم مرات
ولاحد(ن) سأل وش فيك ولا نشدني

و تعبت من درب الهوا والمسافات
واتعبت رجلي بالمشي واوجعتي

مسكين يامن ذاق موت(ن) ولامات
مثلي نزيف الجرح ماحدن سعفني

ماغير اجر الصوت واون ونات
والهم حمل(ن) شايله فوق متني

حزين واقول الحزن بس ساعات
واثره معي مخلوق ما غاب عني

يالله تفرجلي همومي والأزمات
ياعالم باللي جرى واتــعـــبـني

خل الفراق يكون لي بس لحظات
واجعل وصاله دوم مايقطعني

ياناس أحب و عايش بطعم الآهات
وتزيد وناتي ولاحــد(ن) سمعني

من زود حبه بان فيني علامات
حتى الخلايق لاحظت وانقدتني

بقلم / جبرني الوقت

( محمد آل مريع )