إهداء خاص يالله إني طالبك إن ضاقت الدنيا توسّع

بسم الله الرحمن الرحيم ..


كنت أقول .. إن ضاقت الدنيا توسّع ..

وأتساءل .. ليه ضاقت في عيوني هالوسيعه ..



لين شفت الخافق إللي حب من جد وتولّع ..

يحرقه وقته .. وصارت أيامه حزينه ..



منحرف حظي وأعرفه طول عمره ما تسنّع ..

من عرفت الشوق قاسي والهوى هذا صنيعه ..



يا حياتي .. حط يدك فوق هالقلب وتسمّع ..

بس لا تسأل دخيلك ليه دقاته سريعه ..



يوم شفتك داخل عيوني نما حب وتربّع ..

يوم شفتك والحياة القاسيه صارت بديعه ..



آه من قلبي وأنا أشوفه مع الوقت يتقطّع ..

يآمر عيوني تهل الدمع وعيوني تطيعه ..



عاد تدري لو هوى كل الخلايق لك تجمّع ..

ما يجي ذره من إحساسي ما دام إنك شفيعه ..



يا زماني دامني ما أقوى على عنادك تشجّع ..

وأرسم جروحي وأنا بأشكي على رب الشريعه ..



يالله إني طالبك من قلب صادق ويتضرّع ..

لا يجي بيني وبينه كره وأحزان وقطيعه ..



يالله إني طالبك إن ضاقت الدنيا توسّع ..

ليت تفرج والحياه تصير بوجوده وسيعه ..





لكم مني كل الود ..

صقر صدريد ..