الرد على قصيدة ابو ريان ,,, من جبرني الوقت ...

بسم الله الرحمن الرحيم

سبق وإن طلبت من ابو ريّان قصيدة لكي ارد عليها او أجاريها بمعنى اصح ,,,,
وابو ريان ماقصر بدع وأنا رديت على قصيدته وياليت تعذرني يابو ريّان على التأخير والقصور

على العموم هذا رابط قصيدة ابو ريّان للي ماشاف البدع ,,,,

http://www.baniamro.com/vb/showthread.php?t=49325

وهذا بدع ابو ريان لكي أختصر عليكم /

يا عاتبٍ عالوقت جاك الطلب جاك
جاك الطلب وافي برونق ونسنـاس
علمٍ يجيـك وياصلـك ويتعـداك
خل الرجا بالله وأبعد عـن النـاس
وش حيلة اللي بك تعلـق ويهـواك
صارت حياته فيك نغمه وهوجاس
ياليت من طالب بقربك ورجـواك
ثم ارتمى بالحضن والفكر محتـاس
ما تنكره وتقول عالوصل ما أمداك
وتقول يكفي قد شغلنـي بوسـواس
الدرب ما يخلى من أسوار وأشواك
فارفع عقالك واعصبه فوق عالراس
أوف العهود ومد له كـف يمنـاك
لا تكتفي بالحبر ينشـر بقرطـاس

وأما الردمنّي فهو امامكم و أتمنى أن تحوز رضاكم ورضا أبو ريّان ’’’’’’’

تسلم على علمك وياحي ملفاك
ياللي فرشت بدربك الدر والماس
شهمن ولد شهمن ولافيه شرواك
إلا قليل من الخلايق والأجناس
ودي اجيلك وآتعنا لك انصاك
واسمر معك في ليلة تبري الباس
نجلس بجنب النار و القى محياك
ليلن طويل وماله حدود وقياس
ياسعد من جنبك تقهوى و قهواك
ينسى غرابيله ولوكان منحاس
هذا قصيدي ليته يحوز لرضاك
والقى إشادة منك وانول نوماس
مابكتفي بالنــــــــــت لابد ألقاك
وامشي معك في درب له مذهب وساس

بقلم / جبرني الوقت
محمد آل مريع

تحــــــــــــــياتــــــــــي لــــــــــــــكـــــــــــــــم