زلة لسان..

حبيبي البارحه زلة لساني مالها داعي
قسم بالله موقصدي اضيق خاطرك مني
.
.
تنام البارحه وانته مخاصم صدري وذراعي!
حبيبي كل شي فيني على شانك يعاتبني:

1-ضلوعي..

2-قلبي العاشق..

3-حنيني..

4-اصعب اطباعي

5-جنوني فيك

6-ضحكاتي

7-مداين لهفتي


وشفني:

على صدر الورق جالس عتبهم ينحر اسماعي:
قدرت اتنام؟!ما صدق!!..أمانه كيف؟! فهمني!!
.
.
احس المشكله ما بيننا في داخلي اضلاعي
كثر ما اشرح غلاك بخافقي منته مصدقني!!
.
.
أحبك كثر ما تقسي علي بغربة اوضاعي
احبك كثر ما اجمع لك حنيني لو ت ب ع ث رني
.
.
أحبك..عذري الاكبر..وابي يا عمري اتراعي
مثل ما تقول: (راضيني) مع ان انت الـ مزعلني!!
.
.
تعال

تعال اللحين..راضيني..ابي تروي عطش قاعي
ولهت اشرب من انفاسك دلع قولتْك: رقدني
.
.

وانا آسف...


انا آسف...


أنا آسف...

أنا آسف..على الكلمه..وزله ما لها داعي
قسم بالله موقصدي..


(أحبك).....


هاا!!
.
.

تسامحني؟!