عطني خمسه ريال ..!!

مـــدخـــل ..!!
أحبابي أعضاء ومشرفين ومراقبين وإدارة منتديات بني عمرو
أحب أن يكون هذا الموضوع هو المدخل كما أحببت أن يكون له
ومنه أسطر لكم هذه السطور المتواضعه بعد غيابي لفتره من الزمان عنكم ..!!
وأتمنى أن نقضي بصحبتكم أجمل الليالي والأيام كما تعودنا في زمن ماضي ..!!

يوم الأربعاء الماضي وأنا أجلس في أحد قصور الأفراح ويجلس بالقرب مني ذاك الرجل
الطول والعرض ماشاء الله تبارك الرحمن وكنت الاحظ علامات الضيق تظهر عليه مبين إنه مزعوج وكأنه يعاني
من أمر ماا ..!


طبعاً الشخص هذا ولأول مره أشوفه سألت عنه لعدم معرفتي به من قبل من يكون وأين هو طول الفتره هذه ما أشوفه
في المناسبات ولا في الزيارات ولا الأعياد ولا الإجازات يعني نقدر نقول عليه ماله الأثر في الحياه ...!!

يقولون إنه مايحب الديره وحياته كلها في المدينه وعايش في زحمة الناس ومشغول بنفسه ..!

طبعاً في اللحظه اللي كنت جالس بالقرب منه ..!!

خطرت على بالي أسئله وقتها كثير؟؟ وبدأت في الحديث معه ..!!

أبو محمد <<< الله يمسيك بالخير <<< أبو محمد ما أعرف اسمه ولا اسم ولده لكن متعودين على اسم محمد
رد بالله يمسيك بالنور ..

المعذره ما سبق لي معرفتك من قبل هل ممكن تعرفني بنفسك ..؟
أجابني بحروف ضايعه ومتقطعه وكلام لايعقل أن يصدر من رجل قال بالحرف الواحد أنا الضايع ..!!

أصابتني نوبة أستغراب وأندهاش وحالة غضب مما أسمع <<< وش تقول ما أسمعك..!
قال ترى أيام زمان يوم كنت عايش في الديره وأنا صغير كانوا يقولون اللي ما فيه خير لأهله ما فيه خير للناس
وأنا تركت أمي وأبوي وأخواني كلهم بعد ما سافرت المدينه وتزوجت لي وحده حضريه وعشت معها إلى يومك هذا
ولكن ...! ما فلحِت معهاا...!

لازال الاستغراب مواصل وأنا معه مستمر معه في الحديث ...!!
قلت ليه تركت أهلك طيب وقاطعتهم بهذه الطريقه ؟
وليش طيب ماتروح لهم ؟
وهل تتصل فيهم على الأقل وتسمع صوتهم وتتواصل معهم بالطريقه الحديثه اللي أصبح الكثير
من البعيدين عن أهلهم يشوفون إنها تؤدي الواجب ...!!؟
وهل تعايدهم في المناسبات وتعرف أخبارهم أو شي عنهم ..؟

قال للأسف أبوي الله يرحمه مات ولا عرفت بخبر وفاته إلا رابع يوم عزاااء وأمي ماتت الله يرحمها
ولا دريت عنها وأخواني راحوا وخلوني مع إني أخوهم الكبير..!!
ويتمتم بهذه العباره الله يسامحني يارب..!!
يارب سامحني الله يرحمهم وأنا أرى في عيونه علامات الحزن على نفسه
وهو الآن يجني ثمار فعائله ..!!!


وفجأه دخل ذاك الولد الله يحفظه ويخليه أحسن من أبوه
وجاء نط على أبوه قال أبغى خمسه ريال ..............!!

فتح المحفظه الأب وقال ما فيه إلا 500 ريال خلاص بعدين أشوف لك خمس ريال ...!!
الولد في اللحظه هذه زعل وقال هات 500 وعمره ماتجاوز الأربع سنوات ....................!!!

الغريب في الموقف إن الأب عطاه 500 وقال لاتضيعها ...!!
أنا شكيت إن هذا آدمي صراحه ويعطي الولد مبلغ مثل هذا المبلغ يطير في يد أول واحد يقابله في الشارع
خارج قاعة الفرح ...!!

مسكت الولد وعطيته خمس ريال على طلبه وأخذت 500 ورجعتها لأبوه ...!
وقلت خلنا نواصل يا أبو محمد الحديث لو مايزعجك كلامي ..!!

والحين وِش أنت عليه من حال .؟
قال تنشد عن الحال هذا هو الحال ..!!

حسيت إن الحنين أخذني شوي إلى خارج قاعة الأفراح
وتغنيت بكلمات الشاعر خالد الفيصل

تنشد عن الحال حالي كيف ما شفته
وانا احسب إنك قبل ذا الوقت تدري به

في خاطري لك كلام(ن) مير ما قلته
أجنّبك ما يحسّـك لو حياتي به

هم(ن) جديد على الاول تحمّـلته
عنك اتحمّـل كبير الهم و امشي به

رحت آتمثـّـل بطبع(ن) لك تعلــّمته
لا صار لك غالي(ن) ليّـاك تشقي به/
\
/
\

أووه يااا أبو محمد سرحت معليش


قال الحال يا أخوي الحين طلقت زوجتي اللي عشت معها 20 سنه
بعد ما أنجبت هذا الولد ووأحاول أقرب من أهلي وربعي وأصلح شأني مع أخواني
وأدور لي أم لهذا الولد وعساها تحبني وتحب أهلي وتواصلني مع أقاربي وأكون أسعد الناس ..!!!

أعصابي مشدوده وبالي سرحان وتفكيري غريق بكل ما أسمع
لا أستطيع التركيز ولا الإستيعاب ولا حتى النظر في وجهه الذي يكلمني وهو مرخي رأسه ..!!!

وصل مرحله جداً جداً جداً صعبه وكان يقول لي بأنه أصبح لايثق في أحد
وأنه يعاني الآن من ظروف ماليه تكبدها من ورى زوجته الأوله في سفريات وماركات وموضه وبيت فخم
وسيارات فارهه .........إلخ كلامه من الحديث في الضياع

ولازال الحديث مستمر ..!!
قال أنا أعاني يارب أغفر لي وأرحمني وتب عليه ...!!
إنه لاينام إلا ساعة من الليل من التفكير في أبيه وأمه اللذين ماتوا وهم غير راضين عليه ...!!

وأيضاً في أخوانه اللذين هم غير راضين عن أستقباله أو البقاء معه في المجلس الذي يكون فيه ..!!

في النهايه أنتظر جميع تعليقاتكم حول هذه القصه والحدث الغريب العجيب ...!!

مــخــرج ...!!

أتعلمون لم يخبرني بأسمه ولا أهله ولا أخوانه وهذا حاله والله المستعان ..!!
حاولت التدخل في موضوعه لمعرفة أخوانه وقال أتركهم أخواني وأعرفهم لو كنت أحترق في نار
وهم يشوفوني ماراح ينقذوني ..!!

يسكن الآن في شقه من نظام شقق العزوبيه ويأخذ ولده معه في كل مكان يذهب إليه !!
حاله صعب يريد البقاء وأهله لا يريدون له ذلك ..!!