والله ماقد مر في خاطري يوم ! ! ! ! ! ! ! ! ! !

والله ما قد مر في خاطري يوم = اني احبك واعشقك انت بالذات
لكنها الأقدار ماهمها لوم = تحد راعي العشق لو بالهوى مات
ماكنت في شوفك حريص ٍ وملزوم = ولا عرفتك طول ذيك السَــنَــوَات
واليوم لو ماشفتك اصير مهموم = ويضيق بي كل الفضا والمساحات
قلنا نبطـّـل مالهوى ونتوب ونقوم = من غفوةٍ عشنا بها ذيك الاوقات
ورديتني للحب ياخلي بَعَـد صوم = وفطرتني من بعد صومي الوجاعات
وخليتني سهران والناس في نوم = افكر بشوفتك والجفن ما بات
الى متى يانفس والقلب مصدوم = في حبٍ اكذب من جميع الخيالات
ساعة مع خلي وساعات محروم = وكيف من دونه ابا اعيش ساعات
يا ونتي ونة مريض ٍ ومحموم = امسى عليه الليل والصوت ونات
اونها من خافق ٍ طايح ٍ دوم = يقوم من عثرة ويهوي بعثرات !