(؟؟؟؟؟)( عـــالــم نــصــابــة )(؟؟؟؟؟)

يا قصيدي نادني وأفتح لي البــوابه = لا تباطى في المسير ولا تقول أمهلــني
دام من حولك وحولي عالمٍ نصـــابه = أجمع الحرف الصحيح وللسماء وصلني
وأدري إن اللي حصلي واضحٍ بكتـابه = والكتاب اللي قريته واقعه زلزلـــني
والمذكّر في القواعد ما جهلت إعــرابه = والحقيقه عالطبعيه ما أعتقد يجهلـــني
والمرض عندي دواه وعارفين أسبـابه = ما ندور للمداوي يالذي تســألــني
والصحيح إني عرفت الجن والكسـابه = لكن اللي في قراري دائماً يشملــني
كل شخص له مكانٍ واضحٍ لإصحــابه = والصديق الصادق اللي ما بعد زعلـــني
والذي ناوي يزعلني حرقت أعصـابه = وأسفله ما دام هو في مقصده يسفلــني
والخبيث اللي بطبعه ما يفيد أقـــرابه = أنبذ أفكاره وأحقره لو يقول أكفلــني
وأنت ياللي جامل الكاذب وزاد كذابه = خل عندك دم وأعقل لا تقول قلقلــني
ولايصح إلاّ الصحيح وكل شئ بحسابه = وإن تقاصدنا فشعري طبعه يجملـــني