ابي رايكم بكل صراحه عن مهور بعض الفتيات في بعض القبايل

الأخ ابو بندر
السلام عليكم ورحمة الله وبركاته
1. التحديد للمهور وضع لمصلحة الجميع أو على الأقل الأغلبيه ... اقصد بكلامي الناس محدودي الدخل من اهل المنطقه ...
ولم يؤخذ بعين الأعتبار الناس الأغنياء ... لانهم راح يكونون متفهمين للوضع وساعين بشتى الطرق للمصلحه العامه ولو ككان هالشيء على حساب كماليات عيالهم

2. انا اقول (مؤبد) لأنه فعلاً فيه رجال محكومين ... حتى ولو كان برى البيت وقدام جماعته كفو وماعليه زود ... ممكن تلاقيه ببيته محكوم عليه
واظن هالشي مايزعل احد ... كل واحد حر بتصرفاته داخل بيه ... يكون اللي يكون ... هذا بيته وهو حر فيه .
أهم شي الرجال قدام الرجال انه كفو ... اما ببيته فهو حــــــــــر . ومال لأحد كلام .

3. ما اوقع ان فيه تسلط على البنت ... بقدر ماهو مساعده لها ولزوجها ... تخيل لو طعناك وخلينا المهور 100 الف ريال ... طبعاً عشان نسعد البنت وتكشخ قدام زميلاتها ... تخيل كم شاب راح يقدم على الزواج ... اتوقع ثلاثة ارباع المتزوجين اللحين كان تلاقيهم باقي عزابيه.
ولانسى أن " درء المفاسد مقدم على جلب المصالح "

[size=3]4.أخيراً احب اسأل الجميع مو بس انا وانت
س/ هل يهم الواحد مننا ان بنته تتزوج وتنستر مع ولد الحلال ... أو انها تجلس عندك بالبيت عشان المهر مو كفايه ؟
لاأحد يقيس هالموضوع على نفسه (اقصد بكلامي الأغنياء) لابد ان تقيس الموضوع على جماعتك كلهم . يعني حاول ترد عن جماعتك مو بس عن نفسك .الأخ ابو بندر ... اذا جيت ترد على كلامي حاول تتكلم وتفكر وانت ترد بجماعتك كلهم مو بس بنفسك ... لأن هالموضوع
مرتبط بالجماعه مو بس بشخص واحد ... هذا موضوع عام وليس خاص .[/size]

5. اشكر لأبو بندر تفهمه وتفاعله مع مثل هالمواضيع ... واللي تهم مجتمعنا ومصلحته .


ودمتـــــــــــــــــــــــــــــــــــــــــــم