الله حسيب المووووت ؟؟ ربي يجازية

اشتقت لك .. بالحيل يااا .. حضن أمي

الله حسيب الموووت .. ربي يجااازيه

يمك يا كل أهلي .. ولا أنت بيمي

تركتني ما بين .. ( هو ليه .. أو ليه )

بعدك .. أنا قلبي .. نزف كل دمي

غلّـق شرايينٍ تضخ الدمااا.. فيه

من كثر مااابه .. يرتجف ويتغمي

والنار شبت .. في هشيمي .. تدفيه

والصبر لعثم .. صرختي وسط فمي

تااايه .. أونّ .. ْولاحدٍ قال : لبيه

محتااار .. أنا ما بين .. ( خالي وعمي )

والدرب توّه .. خطوتي قبل ممشية

من يوم مانا طفل .. خاويت همي

من مثلي بْـعيده .. همووومه تخاوية

حتى وأنا مهموووم .. يزداد غمي

عزي لمن مثلي .. دموووعه تواسيه

ليت الزمن .. ما غربل أشتااات .. لمي

وليت القدر .. ما شح .. بأطراف كفيه

ثوبه لبسته .. ْولا ستر .. صدر كمي

أهداني وشقه علـيّـه .. بيدْيه

أطيح من قصره .. وعيا يسمي

وأقوووم من ضيقه .. أخيط محانيه

ليلي .. قسمته .. بين مدحي .. وذمي

نصفه عتب .. والنصف الآخر مشاريه

ونهاري .. جرعني من الكاااس .. سمي

عل الجسد .. يااا وين من هو.. يداويه

مل المنادي .. والخلايق تصمي

والعين يجفاها الكرى .. يا تجافيه

تعبت أزم الدمع بالحجر .. زمي

أخفي وبانت في خدودي .. مواريه

ليته شقى مكتوب .. كانه يتمي

ولاّ غلا .. من هو بحلمي ألاقيه

أو إنها.. عبرااات طفلٍ تنمي

عجاج بختٍ .. ثايرٍ لحظة التيه

ْولا ما عليّّ .. لو سااال دمع .. ودمي

مصيرها تنضب .. مع الوقت يا هيه

المشكلة .. لا صرت محتاااجك .. أمي

الله حسيييب الموووت .. ربي يجازية


هذه القصيدة مواساة إلى كل من :

محمد
.
.
.
ومحمد
.
.
.
ومحمد
.
.
.
ومن قاسمهم هذا الحزن

شعر ... أحمد العياف