اتمنى ان تقبلونها كما هي !!

بسم الله الرحمن الرحيم

السلام عليكم ورحمة الله وبركاتـــه

في البدآيـة أعترف بأني لست شاعر
وخصوصاً في هذا المنتدى الذي يضم نخبه من الشعراء الكبار والمميزين
ولكن أتـمـنـى أن تقبلون مني هذه الأبيـآت كما هي
لا أعلم لماذا أتت وبهذا الشكل ولكن .............!!!!!!!!!!!!!!!!!
طبعاً الابيات سبق وان طرحتها قبل ما يقارب ( سنه) في إحدى المنتديات

لا يا زمــان الذل كيف المناعـه=وش حيلة اللي دمعه اليوم سكـاب
لا يازمــان الفقر ويَا القطاعـه=فقر النفوس اللي لها العمر ينسـاب
وين الخوي اللي لنفسي طماعـه=يجلى كدر نفسي ولاهوب ينعاب
ضيعت زهو العمر في رجو ساعـه=مـع الحبيب اللي له القلب منصاب
ضاع .العمر يالله بحسن الشفاعه=وانا ادري ان اللي مضى كان باسباب
ما يرجع اللي فـات وبها قناعـه=لكن جنون الشعريفتح على باب
يا قافي اللي نور نجمك سطاعـه=قرب ولك مني قصيد وترحاب
قرب لي الهاجوس وأرقى قلاعـه=باكتب حياتي في دواوين وكتاب
حياة..رَجـل ما انحنى بظرف ساعـه=دايم شموخـه عالي الضرس والناب
لكن من الأيــــــــــــام زاد التياعـه=ومن الهموم اللي لها القلب مرقاب
يقطعك ربي يا حياة القلاعـه=ويعين من شيَب وهو بعد( شـــاب)
لك يا ((.......))صغت قافـي بقناعـه=وانا اعتذر( مالنقـص) لكن خاطري طاب

وفي الختآم أعلم يقيناً بأن ما كتبت لا يرتقي إلى ذائقتكم الشعريـه
ولكن الانسان احياناً يحتاج إلى أن يعبر عن بعض الأمور بمثل هذه الكتابات
اعذرونـا ع القصووور والكسوور اللتي في هذه الابيات
تقبلوا أطيب التحايــــــــــــــــــــــــــــا