رآآيـح وطــي !!

السلام عليكم ورحمــــــة الله وبركاتــه

رآآيـــــــــــــح وطــــــــــــــــي

قصيــــــــــدة لـلـشـآعـــــــر
نآصر بن محمد الفرآعــنــــــه

توّ ماجيتي وخلّيتي العاشق وطي"="كيف لو ترخين عن نور خدّك برقعه
والله انّ الزين غيرك ولو زان خْرطي"="لو كبر مثل اربعه نقّصوا منها اربعه
ياهنوف الروح مما عطاك الله عطي"="عاشق كل مابغى يذكر اسمه ضيّعه
احمر التفّاح والا من الحلو اصفطي"="لمخطوف من عظم فرحته عضّ اصبعه
واقلطي في مجلس الصدر يا بنت اقلطي"="لعنبو من لا فرش لك من الصدر اضلعه
وفي بساط من حنايا ضلوعي بسّطي"="مجلس ما نجتمع به لابو من جمّعه
ونشّطي روحي بذايب أنينك نشّطي"="قالوا ان الميت يحيى عقب ما يسمعه
ورقّصيني فوق خصرك وهدي وامغطي"="ويش فيها لالتوى والتوى قلبي معه
واعصري لي من قراح الشفايف واخلطي"="زنجبيل سلسبيل عليل منبعه
واكتبيني كلمة في ثمانك واشخطي"="وكان جرحي مابرى عقبها وش ينفعه؟
مابغيت آصدّق انّي معك رايح وطي"="لين شفت العين ترسمك ظلّ وتتبعه

تقبلوا أطيب التحايــــــــــا