تعالو واذا ماجيتو بززززعل

السلام عليكم ورحمة الله وبركاته


اليوم كان عندي ضيوف واحترت ايش اعمل حلا على الفطور
بعد الكر والفر في المواقع المطبخيه لقيت في منتدى حواء حلا بالكاسترد الزايد للاخت ام عزيزان الله يسعدها


المهم


لقيت عندي كاسترد من امس قمت عملت طريقتها وطلع الطعم امممممممممممم مااقدر اوصفه

طبعا الضيوف بالعافيه على قلبهم التهموه بس قدرت اخذ طبق عشان اوريكم كيف شكله والطعم والله شي خيالي

ماعرفت ايش اسمه

بس ممكن نسميه ايس كريم الكاسترد

لان طعمه طلع ايس كريم



المقادير

2كيس دريم ويب
حليب بارد ( تقريبا فنجان )
الكاسترد الزايد ( طبعا مو الزايد الللي اتاكل المقصود اللي ماتاكل لانه لما يطول بالثلاجه يطلع له مويه ويخرب )



الطريقة

حطيت الزايد في وعاء وضفت عليه الدريم ويب والحليب و خلطتها بالخط الكهربائي للحد ماتكونت كريمه

بعدها اخذت بسكوت ... وغمسته بالحليب اشوي وصفيته بالبايركس عملت طبقه وحطيت من خليط الكريمه عليه اشوي وبعدها حطيت طبقه ثانيه من البسكوت ... وصبيت كل الخليط عليه
بالاخر فتت اشوي بسكوت عليه مع قطع صغيره من الاناناس
وطلع رووووعه يا بنات طعمه مثل الايس كريم


انا ماحطيت له بسكوت لانه كنت مستعجله

بس من ناحية روعه فهو روعه ونص والدليل انه اتمسح من الاطباق

هذي صورته












الحلا الثاني

قدرة قادر

المقادير

6 بيضات
3 كاسات حليب بودره
3 كاسات ماء دافي
1 كاسه سكر
ملعقة كبيرة فانيليا (( يمكن اضافه مقدار غطا خل ابيض علشان ريحة البيض ))

1/2 كاس سكر للكرميل
ا كيك بيتي كروكر بالشوكلاته

دريم ويب + 2 ملعقه شوكلاته للزينه


الطريقه


1- يسيح السكر حتى يصبح لونه ذهبي ويوضع في قالب اوصينيه بايركس .
2- يمزج البيض + الحليب+ السكر + الماء الدافي + الفانيليا بالخلاط اليدوي .
3- يصب الخليط في القالب او الصينيه للنصف .
4- يمزج خليط الكيك حسب الطريقة المكتوبه في على العبوة .
5- يصب مزيج الكيك على الكريم كريمل في الوسط مع مراعاة عدم تعبية الصينيه للاخر .
6- توضع القوالب او الصينيه في صينيه كبيره مليئه بماء حار لعمل حمام مائي في الفرن .
7- نختبره كل فترة بمنقاش الاسنان حتى ينضج جيدا .
8- بعد خروج الصينيه من الفرن نتركها تبرد ثم تزين بالدريم ويب مضاف له شوكلاته .

انا عملت الدريم ويب ساده و بالشوكلاته و زينته بشوكلاته قطع .

صورت ماتبقى بالقوة ههههههههههههه
ماشاء الله الضيوف قضو عليها ويادوب طلعت بهذي القطعه


ان شاء الله تعجبكم





هذي الطبقات الثلاثه




بالله اذا عملتو الحلا ادعو لي



بالعافيه على قلوبكم وقلوب ضيوفي

( اعتذر على رداءة الصور )

تحيتي