حلوو باكستاااني لذيييييييييذ..يمممم

[c]ياسلااااااام الحين بيقولون عنج طباخة ماهرررررره صدج......ومالهم حق إن ماقالوها..أجل توصلين باكستان آخر الدنيا وما تحصلين المدح اللي هوه......."تراني سويته هالطبق ووالله من حلاوته صاروا بالبيت كليوووووم والثاني يطلبونه..بس ماعطيتهم وجه سويته مرة وحده.." [/c]
تحتاجون إلى1)
كوبين حليب بودره
ملعقتين ونصف صغار طحين
ذرة ملح
بيضتين
ملعقة بيكنج باودر
ملعقة زبده(مارجرين أفضل علشان ماتمتنون)
=========
(2)
حليب المراعي حسب الرغبه
سكر حسب الرغبه
هيل كثري منه شوي
ماء الورد

الطريقه:
امزجي الحليب البودرة مع الطحين مع البيكنج باودر والملح..واخلطيهم بالملعقة عدل علشان يتخللون بعض.

اخفقي البيض بالخلاط مع الزبده....ثم اسكبي المقادير السابقة فيه.واعجنيهم عدل حتى تتكون عندك عجينه متماسكة.

قطعي العجينه إلى كور مفلحطه شوي..ورصيها بصينية الفرن.

أما المقادير رقم (2) حطيهم على النار لغاية يفور الحليب...ثم اسكبيه على الكور ..وادخلي الصينية الفرن

وخلي بالك ما ياخذ بالفرن أكثر من 5إلى 7دقائق..أول شي تشعلين الفرن تحت وبعدين فوق للتحمير فقط

وأخيرا ضعي الطبق في الثلاجة حتى يبرد تقريبا ساعه وحسب البراد عندكم...بإمكانك رش المكسرات أو جوز الهند وبراحتكم :mad:

[c]الشكل النهائي للطبق:باااارد..وكور الحليب منفوخه مثل القرص وحواليها الحليب سائل..وكلما أخذ وقت بالثلاجة تقل نسبة الحليب لان الكور تتشربه ويحلو الطعم أكثر [/c]
جربوها يابناااااات....وذا ماكلوا أصابعهم وراها وصاروا بلا أصابع .ما اكون أنا شمس بنت أم شمس........وإذا مانجحت معاكم معناته أنكم ماتعرفون تتطبخووووووون هني وعافيه