موقف مضحك

مرحلة الطفوله هي مرحلة البراءه واللي الانسان يكون على طبيعته ...واكيد تصير مواقف يودون الاهل لو ان الارض تنشق وتبلعك ...
يا ترى كيف كنت ..شقي ..هادي ...شراني .....مغلوب على امره

كل واحد يتكلم عن طفولته من خلال موقف لاينساه

ابدأ انا كالعاده ...انا كنت حلوه جدا ..(اوني عاد ). ...انا كنت شقيه جدا ما اخلي شي ابدا في مكانه ويا حرام امي تعذبت معاي وانا اكيده بتدخل الجنه بسببي.... الله يخليلي اياها
انا عندي الكثير من المواقف بس الحين طرا على بالي موقف
كانت امي تعلمني انو عيب اتكلم لما الكبار يتكلمو وحرام الكذب ومن هذي التعليمات
مره كانت في زيارتنا صديقه لامي يعني ماشاء الله عليها متينه وايد ..امي حطت الضيافه كيك وحلويات ..المهم كانت تقول اهي حق امي مافي داعي انا شبعانه والله ماتتعبي والله مالي نفس وانا ابى اخسر وزن ...وامي ترد عليها اكرام الضيف واجب ..يا شيخه ما بتضرك كلي ...وانا طول الوقت قاعده وحاطه ايدي على خدي مقابلنها وطبعا ماشاء الله اهي ما قصرت وكلت كل شي تقريبا ..وقتها وفي وسط حديثهم فزيت من على الكرسي ..وقلت هذا وانت شبعانه اكلت كل شي الحمدلله ان امي اشترت لك من الدكان قبل ما تجي ...صح كلامك ماما وايد تاكل هذي الحرمه ..طبعا امي وجهها احترق ..وانا ما انسى هذي الليله لاني اخذت علقه من امي صعب الواحد ينساها ...
منقووووول