((واللي ظلمني قلب يدمح ويعفي...ايه قلبي اللي ماسمع فيك لوّام))....

عمر الغلا ما سطر بيوم ضعفي= ياللي تبيني انكسر حزن والآم
والله لو ان العين ما عاد تغفي= والا لو ان العمر يُحكم بالاعدام
اموت شامخ ماتبعت المقفي=دام المفارق صار هو سيد الاحكام
روحي ولاتعزين في يوم حتفي=روحي ولاتردك صعيبات الايام
تعبت ادمح ما بدر منك وانفي=ان الخطا مذهبك في كل الاعوام
جرح(ن)يروح وجرح مع هم يلفي=ومركب غلانا ماتقدم لقدام
اصل الحكايه ظلم بس ظلم مخفي=مخفي بثوب المسكنه والتّحكام
واللي ظلمني قلب يدمح ويعفي=ايه قلبي اللي ما سمع فيك لوّام
بينت لك كثرالغلا وزود لهفي=واثرك تحسبين الغلا كذب واوهام
تعبت اسافر في مسافات وصفي=وارهن لك بزود الغلا بوح الاقلام
واليوم هذي عزتي تعلن بوقفي=عن حب مثلك المزيف بالاحلام
روحي وانا الشامخ ولوكنت مجفي=روحي واناالعزه فعل.صدق.والهام
روحي تحبك . كان . وكان يكفي= ذا فعلي الماضي بمغبات الاوهام
تصريحي الشامخ وتوقيع حرفي= وتوثيق من قلبي بتصديق الاقلام
كان الغلا في يوم بيكون ضعفي=والله لاحكم قلبي بحكم الاعدام