البابليــــــــــــــــــــه ( لإصحاب الــذوق الرفيـــع)

أحبـك كثرماهوللزمـان وللحظـوظ عتـاب=وأحبك كثر مايكثرعلى اللي غايـب عتابـه
وأحبك كثرمالك من قصور وللقصورعتـاب=بداخل ضامر العاشق رهيـن القصروعتابـه
دخلتي لاتحنحنتي ولاحتـى طرقتـي البـاب=يهلي بك ضميري من قبل لاتطرقـي بابـه
يقولون الفرح لاجاد جادت قبلـه الأسبـاب=هلا بك يافرح عمري وحظ جـادت أسبابـه
هلابك يابعد عمرالمولّـع قاصـي وأقـراب=بطلة شوفة عيونك تناسـى عالـم أقرابـه
هلاياماخذالاول وسط قلبي علـى الاصحـاب=هلابك يا أهم الناس وأغلى جملـة أصحابـه
هلا يالكوكب الدري عددماحنـت الأغـراب=الي شوف الحبايب بعد وقت طـال تغرابـه
هلايامكتسي ليل على حـدّ الشفـق ماغـاب=تنام الشمس بأحضانه وتفرح لحظة غيابـه
هلابالخطوة اللي جابتك لي في سحا الأجناب=عددماأرتجت أمواج الشواطي في ثرى أجنابه
هلابورد الربيع وزهره اللي مانبـت بتـراب=بروض الخد من شانه يغار الـورد وترابـه
تهلّي بك أحاسيسي بقلب صـادق الترحـاب=على طاريك يانبـض وشـوق زاد ترحابـه
على ذكراك تتراقص بقلبي واحة وهضـاب=ويتعانق ضباب الود بأعلـى قمـة هضابـه
زرع لك داخله توت وكرز في جنة العنـاب=مثل حمرة شفاتك في حـلاة وذوق عنّابـه
يطيح الطيرمن حسنك وطرف ساحرجـذّاب=تعثّر بـه جناحينـه وطـاح بكـف جذابـه
يذوب الثلج من نورك ولالومه إلـى مـاذاب=تسائلني ضفاف العشق والأنهـاروش ذابـه
يغار البدر من صدر تجتلّى من ورى الجلباب=ويظلم كل من حولي الـي مـن رد جلبابـه
مثل ظل النخيل ومثل فجر معتلـي الأهـداب=وكن االشمس من تحته بلحظة شلة أهدابـه
أنا شوقي كما فوج الطيور مهاجرات أسراب=الى بحر العيون ومنتجعها موطـن أسرابـه
أمني الروح في شوفك ويخدعني أمل كـذّاب=ويسـرق مـن أيامـي وراه آمـال كذابـه
رجيت الودياعمري وعمري له بقايا أتعـاب=الي شاب العمر فينا وجانـا يطلـب أتعابـه
يون القلب مالغيبه ويرجي شوفتك بحسـاب=مصيبه كان قلبي يالغضي ماتحسب حسابـه
أنا دخل العيون البابليه تسعـف المنصـاب=صويب الحب بعيونك جرحته وأنت من صابه
دخيلك لاتزيدي بالمشاعر حرقة الأعصـاب=أنا ماعادبي حيـل وقلبـي تلفـت أعصابـه
أولّع من صوابيع شموع وللرضـى طـلاب=رجيت الواحد اللي ما يخيّـب ظـن طلابـه
كتبت أسمك على أسمي تفاني ولافنالي كتاب=ويفنى العاشق الكاتب ويبقى الشا هد كتابـه