نــــــــــــــــوره يا لبى كبدها

قصيدة غزلية لرايــــــــــــــــــــــة الشعر

اتمنى ان تحوز على اعجابكم

تبرق الغيدا عن الغيد برغدها=وكل شي راهيٍ في جسم نوره
شعرها ..عيونها... فمها.... ويدها= طـــلّة تغني عن الصبح وظهوره
ما بقى عود يثنى ما حسدها= وكم تمناها كتاب ورف صوره
صادقة في كل شي الا وعدها=يا تقدم يا تأخر في حضورة
بس توفي منوة الروح وبعدها= لو تعــذّر فعلا البنت معذوره
لا كبد في هالزمان الاّ كبدها=ولا شعور الا وهي تدرك شعوره
غيمة حنــّت سما الروح برعدها=لين سقــّت روضة الصدر وزهوره
نعمة ما تعرف الا من حمدها=تحفة تغني عن المُـلك وقصوره
ذوقتني قبل عام من شهدها=عقبها ما سار للسكر ضروره
ان زعل همــّالها يضحك بردها=وان نشدت لروضها تصدح طيوره
كيف اصب عروق دمّي في جسدها=كيف اخلّي ديرة الوصل معموره
قمت الاحقها تقول اني ولدها=ذاهبٍ معها بلا راي ومشوره
مادريت الا وهي تاقف وحدها=عند باب القلب مدري خلف سوره
ليه اعذربها ولا يفتر جهدها=حتى لو ماهي على وصلي غيوره
المهم انه خذا قلبي رغدها=الرغد موجود ...لكن عند نــــــــوره

والقصيدة بصوت الشاعر