محـاوره بيني وبين الحـب الحـب ....!!!!

مرحباا بالجميـــع ..

عندي هالمحاوره اللي صارت البارحه
على طريق الرياض الطايف .. مابغيت أنزلها لأنها تحتوي على بعض المهاترات إن صح التعبير .. ولكن القلوب صافيه على قولتهم .. وهي ماتتعدى المزح والتسليه ..

البدايه كانت عندي ..وقلت

ببتدي بسم ربي ومن بدى به ظفـر= الله الواحد اللـي كلنـا لـه عبيـد
ياحسن ودنا نقطـع طريـق السفـر= نكتب اللي يجي عالخاطر من القصيد

الرد للحب الحب

القصايد بفكري بيـن كـر وفـر=وقمت أغني وأنشد كل ماهو جديد
يامحمد قصيدك فاح منها الزفـر=قم تهيا وزهب وأحذر إنك تحيـد

رديت عليه ..

أنتبه ياحسن وياك ويـا الحفـر=شاعر(ن) مير توك مستجد وبليد
الونيت القديمه ماتسابـق شفـر=والبنادق بدون أرصاصها ماتصيد

رد الحب الحب وقال :

ثار بركان شعري وأسلم اللـي كفـر=وفي طريق الرياض اليوم وعد ووعيد
طحت ياصاحبي واليوم مالـك مفـر=معدني من نحاس ومعدنك من حديـد

رديت عليه ..

الشعر في خفوقي من زمان أنحفر=وأنت بركان شعرك مايذوب جليد
إن بغينا نقيسك جيت تحت الصفر=وأنا مقياس رختر لاسمعني يزيـد

رد الحب الحب وقال :

غاب نجم الثريا بعد ضوء السفـر=وشمس شعري تزمهر للعليمي تبيد
وأنا قصري منيع وعند بابي خفـر=وأنت قصرك تهدم صاب بابه صديد

رديت عليه ...

السماء مستحيل(ن) تستـوي للكفـر=والمقامات تفرق بين عبـد(ن) وسيـد
شفت قصرك وشفتك شيخ لأهل الغفر=وأنت في ظل ملكي غصب لو ماتريد

وكان الختااام عند الحب الحب وقال :

قبل لغو اللسان وقبـل قلـع الظفـر=بختم أبيات شعري بذكر رب(ن) مجيد
وأطلب الله يامحمـد بتالـي السفـر= يجعل أيامنـا فـرح ومحبـه وعيـد

هذا اللي صاااار ..
وللجميــع كل التقدير والإحترااام .