يا صاحب أقسى قلب مشكور ... مشكور ......ما كنت أظن الخير مع شوفتك شر

ما هو غريب تعيش في يوم مهجور
وتعيش في همك على الضيم وأكثر

الأغرب تعيش العمر دوم مقهور
وترجع بك الذكرى على كل منظر

يا صاحب أقسى قلب مشكور ... مشكور
ما كنت أظن الخير مع شوفتك شر

عشتك ظلام الليل ونهاية النور
وأغراني السكر ...ولا ذقت السكر

ورفضت حبي لك وقفيت مسرور
ومركب هوانا في مسيره تعثر

لو ما لقيت إني على الحب مجبور
ما كان موق العين مع غيبتك در

ولو ما لجلساتك معي وقع وحضور
ما كان قلبي يكره الوقت لا مر

ولو عشت وقلت وسط غبات وبحور
ما صار لي خيمة ولا صار لي بر

لكن لقيتك ميت احساس وشعور
ومع كل هذا عن هوانا تنكر

أنساك يوم .. وأبتعد عنك شهور
وأقول أبقدر ....بس والله ما اقدر !!

بيني وبينك أوضح الحب مستور
ما تروي الضامي ولا تعتق الحر

حربك جحيم لي وان تهاونت معذور
أصبح بكر وفر .... وأمسي على فر

الله يبارك فيك ياسيد الحور
ولو رحت عني تدري الله أكبر

بس اذكر إني من تحملك مقهور
يصدر لك الحالي ويارد على المر

وإن شفتني أشكي من الهم والجور
أبرجع لدربك على أي معبر

ولا يزعجك لا صاحب غيابي ..حضور

إن جيت لك مضطر ... وان رحت مضطر