طلوووولي ...يموت حزناً ..بعد اكتشاف حقيقة الفنانه!!!

هذه قصة تاريخية حدثت زمااااان..

وقبل لا انسى بقولكم تراها ملطوشه







المشهد الأول ::





طلوووي فارس القبيلة الذي لا يشق له ثوب يمتطي جحشه وينطلق الى الغدير ليسقي جحشه ... فيشاهد مجموعة بنات يردن على الماء.. فيقول: وش هالزحمه والله لو أنه خباز ...
ثم يرى بينهن الفنانه فيدق جوال طلووولي وقلبه ويغني ..
شفتك ولا حطيت عيني بعينك
ويغادر الغدير وسط ضحكات البنات الله يرجهن ....



المشهد الثاني ::


الفنانه تشكي حبها لخويتها مطيعة << رموووله التي ترد عليها اسكتي يا شينه والله مالك غير ولد عمك دبااااس..
فترد الفنانه عليها : كش عليكي يا دبه لا تحطمين مشاعري !!!!


المشهد الثالث ::

دباااس يتقهوى عند عمه الشيخ ابو سلمى شيخ القبيلة .. ويطلب يد بنت عمه الفنانه وقرونها !! فيوافق الشيخ ويخبر فنووونه بالخير فتغضب الفنانه وتقول : يا بابا دبااااس داشر ويدخن مالبورو أحمر وما معه شهادة كيف اخذه .. ؟!!
فيرد ابوها ..انثبري يا ملا الوجع ، مالك إلا ... ولد عمك اولى من الغريب
وبعدين دبااااس هو فارس القبيلة والكل يحبه صحيح أنه ما يكتب مواضيع زينة في المنتديات لكنه شجاع هههههههههههههههههههه


المشهد الرابع ::

طلووولي يقابل الفناانه بسوق الحريم ومكان الغزل حق القبيلة... الغدير ويتبادل معها هدايا الحب .. أهداها كرتون تمر وهي أهدته كيس جريش ..

طلووولي يقول للفنانه : ليش يا عمري منتي حاطة بلوك على ولد عمك دبااااس ؟! <<< في المسن
فترد الفنانه عليه : منيب ما أقدر ..
وتخبره الفنانه بخطبة دبااااس لها... فيحزن طلووولي وتدمع عيناه ( دخل فيها تراب ) هههههههه



المشهد الخامس ::

الشيخ ابو سلمى ورجال القبيلة مجتمعين في بيت الشيخ يشاهدون برنامج من سيربح المليون

يأتي مصيول << الجرح راعي القبيلة يصرخ : الحلال ياعمي انسرق.. الحلال انسرق ...
ويهب الشيخ ورجاله واقفين على حيلهم ويصرخ الشيخ ابو سلمى ويقول :-

من سيرد الحلال ويربح بنتي الفنانه وله ثلاث وسائل مساعده :- ياخذ بارودتي وحصاني -- او يحذف عصا -- او يتصل على مصيول ؟؟؟؟

ويقف دباااس ويقول " انا لها يا عمي ...
وينطلق دباااس على حصان الشيخ ليلحق بالغزاه ليرد الحلال


المشهد السادس ::

الغزاه يمسكون دبااااس ويصفقونه وياخذون حصانه وبارودته ويخلونه يدقها كعابي للقبيلة .. طلع خرطي !!! هههههههه

وهنا يقفز طلوووولي ويقول : محد يرد الحلال غيري فيرد الشيخ قم بس قم !
وينطلق طلووولي ويلحق بالغزاه ويطخطخهم كل ابوهم وامهم ويرد كل الحلال ...
يهب يا وجهه .. علشان الحنان .. ولا هو من جنبها .. ههههههههههههه

ماعدا كم عنز ماتن بالطريق من حمى الوادي المتصدع !!!!


المشهد السابع ::

يصل طلووولي مع الحلال للقبيلة ... وهو سعيد صالح ههههههه بفوزه بالفنانه... ( بالهدف الذهبي )

وتتم الخطوبه والشبكة ( أبراجها فل ) وعمت الفرحه القبيلة ويتم تحديد الزواج في
العطلة الصيفيه في قاعة اليالي الغنم <<< احلى فرحة في الطائف..
ويشتري طلووولي كم حصان بالتقسيط ويبيعهن كاش حتى يوفر متطلبات العروس وجهازها.

المشهد الثامن ::

قبل الزواج.. بكم شهر بدأت تمرض الفنانه مرضاً شديداً وبعد ان عجز دكاترة القبيله في علاجها يأخذها ابوها الى المدينه ( تورط المخرج ) ويعرضها على اكبر الاطباء ..

وبعد فحوصات شاملة يقرر الطبيب ان الفنانه تحمل صفات وهرمونات ذكوريه!!
ولابد من عمليه لتغيير جنسها من امرأة الى رجل .. ( قعد بها طلوووولي )

وتتم العمليه وتصبح ( الفنانه ) عقاب <==== مهو هذا اللي بلا أبوه

المشهد التاسع ::
فرح ابو الفنانه لانه يريد ولداً يرث حكم القبيلة بعده .... ( يا شين هالوراثه )
وفرحت الفنانه التي اصبحت عقاب لانها كانت معجبه بصديقتها نوفه
ودزتلها ايميل وبشرتها ...


وعادوا للقبيلة بعد ان تبدل حال الفنانه الى عقاب وقصت قرونها بعد ما كانت تسوي شعرها كعكه لأنه خشن

المشهد العاشر ::

يصل الخبر الى طلووولي الذي كان قد جهز بيت الزوجية ( خيمة )
فيسقط مغشياً عليه ( مسكين .. ماله دور ثاني ) فيشممونه كلونيا وبصل ولكن
دون جدوى فقد مات طلووولي... ( لو شمموه شماغه صحى ) ..
وعلم عقاب (الفنانه ) بموت طلووولي فحزن حزناً شديدا جعله يتزوج .......
برب