رميناك ياباب الصبر

لانشغالي ,, لم اعُد املكـ الوقت للتواجد مع الاحبّة

لكن فوح الورد والخزامى شـــــدّني للحضور هُنا لثوانٍ معدودة

ليس لديّ جديد لأقوله في حق شاعرنا الجزل سوى صح الله لسانكـ ملايين

حيثما تكون يكمن الابداع والشعر ورقي المشاعر ,, استبيحكـ عُذرا وكُلّي املاً بأن

تآذن لي استاذي بالسطو على جمال القصيدة ومجاراتها رغم عدم المقارنة

فمثلكـ لا يجاري إلا المتنبي ولا يجاريه إلا " بن جدلان "

لكنني امون سيدي

.

يا ورد الفيافي من ورى البــــيد ملت وفحت

خـــدود المهـــا بملامســـــكـ غصب تتطيّب

.

تمــــايلت تحت الغيــم والبـــرق لاح ولحت

تبـــاريه علّ يصب لكـ مغــــــدق(ن) صيّب

.

شكيت إنكســار الصبر من مطرقات النحت

على باب حصن الصمت فامســــيت متهيّب

.

اشـــــاطركـ لوعات الزمن ميـر انا ما بحت

وشـ الفـــــــايدة م البــــــوح في وقتنا الخيّب

.

لياصــار قل البخت في كف من صـــــافحت

فمعنــــــاتها يوم القيــــــــــامة غــــدا قريّب

.

ولاجــــات رميات الهـــدف بين فوق وتحت

فلا تنشـــــــــد القاضي عن البـــــكر والثيّب

.

لو ينشدني اهل العِرف فـ الشعر من رشّحت

أقول خــــالد وغـــــازي وهدبة وأبو الطيّب

.

ولكن بن جــــــدلان لازاع صــــوته صحت

ولا مثل بن جـــــدلان غيـــــــر انت وحبيّب

.

تستــاهل التقدير والاحترام

وانت كفو ومكانكـ ,, القمـــة ,, تحية مغليكـ