[ الملحق ]

طعت شور بو سيف
طلعت اليوم ,, شفت الاجواء حلوة فقلت اطلع عن المدينة شوي
بصراحة ( استاحشت ) ما حولي احد وقلت لا يجي مجهول يذبحني وياخذ الموتر
لهذا السبب ما شبّيت الضوء والسبب الثاني شفت مملكة نمل في المكان
فقررت متابعة سكان تلكـ المملكة شوي ,, بعدها رجعت البيت
لا احد يقول اش طلعكـ الصباح ؟ كان خليتها بالليل !
كذا ( مسكت معي ) وخلصنا

إلا على فكرة ..
يقولون الحرامية صباح الجمعة ما ينامون
فرصـــة ,, كل العالم خامدين ما عدا [ بعض الأجانب ] انا ودّي الشرطة
يصحون بدري يوم الجمعة والسبت ويدورون اقل ما فيها يخافون احبابنا البنقال !
ما علينا كل واحد ادرى بشغله .

مدري وش سالفتي مع النمل اليوم
رجعت وفتحت التلفزيون على قناة وثائقية وشفت العجب
اولاً ,, الكل يعمل بمملكة النمل وكل واحد عارف شغله كويس , ثانيا ,, هناكـ تفاؤل وتفاعل
لا كسل ولا احباط ولا خمول ولا حرامية ولا اجانب ولا غزل ولا موضات
سبحان الله ,, عندهم اختلاط ولا فيه بلاوي وعندنا بلاوي بدون اختلاط
عندهم تسلسل قيادي والكل يعمل بجد ونشاط ما شفت نملة عاطلة
تدرون احسن شيء عندهم ,, اللي ما يعمل ... ياكلونه !
قسم لو انا مثلهم اننا ناكل ثلث المدلعين !
الحمد لله اننا بشر !

تابعت نملة ( انثى ) !!! كيف عرفتها ؟ لونها وردي شوي
مرة تحمل حبة نبات ومرة عود صغير وتُمــرّ من جنب الذكور عادي
كأنها واثقة من نفسها والحقيقة العود اللي تحمله مدري وشهوله يمكن لعين الحسود
والذكور يدبكون لا عقال ولا جوال ما غير عمل لا ونامون بدري ويصحون بدري !
اكثر شيء شـــــــــــدني ,, [ التفاؤل ] مو مثلنا كلّش متشائمين !
ســألت نفسي ,, ليه هذا التفــــــــاؤل الجميل ؟
لم اجد تفسيرا مقنعـاً .

اعتقد ان هذا التفاؤل الرائع سببه عدة عوامل ..
اولاً كونهم شريحة واحدة لا عنصرية ولا قبلية ولا مذهبية بل [ وطنيّــة ] جميلة
لا اخوان ولا علمان ولا سنة وشيعة ! الكل يسبّح الله ويعمل واظنهم ايضا يدركون بان ..
مملكتهم واحدة ومصيرهم واحد وربهم واحد فـ يعملون بصمت واخلاص
غريبين النمل هذولا ! سبحان من هداهم !
يا رب تهدينا مثلهم .

شفت مجموعة ( رايحين جايين ) بدون ما يحملون شيء
شكلهم ( مطاوعة ) !!! كيف عرفت ؟؟؟ لانه كلما مرّ من عندهم نملة
زاد حماسها ,, شكلهم يشجعونهم ويبتسمون لهم ويحثونهم على حب الوطن والعمل الطيب
مو مثل عنــدنا ,, يعددون المشاكل ويحبطون العرب ويذكرون المساوي
لين يكرهون الواحد حتى في ابوه !

وشفت نملات كبار ..
يدورون وحولهم نملات صغار ! شكلهم وزراء ! الله اعلم
لكن اكيــد الجولات التفقدية هذي ما يقوم بها إلا ناس - عفوا - قصدي نمل مهم
مو مثل عندنا ما احد يشوفهم الا بالتلفزيون ,, تصدقون ما شفت نملة بيضاء ولا سوداء
كلهم جنس واحد [ بياض على حَمَــار ] وبس ! ماهم مثلنا كل جنسيات العالم ( هنيه )
الغريب ايضا أنهم جميعا يمشون مشية واحدة كأنهم عسكر
معناته انهم يد واحدة وجاهزين لأي طاريء
الله اكبر عليهم !

هذا اللي شفته .. عاد وش يسوون بمدارسهم وجامعاتهم
وداخل الوزارات حقتهم وايش يسوون في البيوت وكيف علاقاتهم الغرامية ؟
هذي كلها ما شفتها لانها داخل ,, بس شكلها على ما يرام فسعادتهم وتوحدهم وعملهم
برى يدل على تكاتف وتعاضد وتفاؤل ووناسة بالداخل

قاعد افكر ..
ليه ما نكون مثلهم ,, ربنا واحد وديننا واحد , ارضنا واحدة ومصيرنا واحد
ليه ما نتفـــــــــــــــاءل ونعمل جميعا على الأقل عشان اولادنا واحفادنا ولا ننجرف خلف
الفاسدين من الشيعة والحاسدين من السنة والمعتوهين من غيرهم
وخاصة المتفلسفون على القنوات

آسف آسف ,, يمكن اني غلطان ,, استغفر الله
خلاص اعتبروني نملة بس لا احد يدعسني فاتوطأ ببطنه
هذا المقال منقول من كتاب لم ينشر بعد
ويقال أن مؤلفه لم يولد بعد

.