أنت كل شي بحياتي

أنت كل شي بحياتي


أعترف لك قبل أعرفك عايشه ليلي ظلام
وأعترف لك عن قناعه إنك أنته دنيتي

وأعترف لك بالصراحه وآصله حد الهيام
تسبق حروف القوافي لا ذكرتك ونّتي

وأعترف إني أحبك من هنا لمليون عام
وأعترف أني ما أخونك والله يعلم نيتي

وأعترف لامر صوتك مسمعي حالي عدام
وأعترف لاغبت عني كيف تكسر همتي

أعترف لك .. يا حبيبي.. بالمحبه والغرام
دامها هذي الحقيقه ليه أحط بذمتي؟

أعترف لك قبل أعرفك كنت أشوفك في المنام
آصل أعماق المعاني حتى تَاصَل كلتي

أعترف لك قبل أشوفك شفتك بوجه الأنام
في وجيه الناس شفتك يا رجاي ومنيتي

أنت كل شي بحياتي .. أنت شفي .. والمرام
أنت ناري في غيابك .. وأنت قربك جنتي
-------------------------------------

م / ن