حتى الكلاب اللي لها صوت وانباح=لاشافته حلت عليها الركاده

متن [shdw]كنتمت[/shdw] [poet font="Simplified Arabic,4,darkred,normal,normal" bkcolor="silver" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
من قال:راع المال هاني ومرتاح=من قال ماله يشتري به سعاده
منقال يا حظه من الهم نزًُاح=الضحك والبسمه شرابه وزاده
الوقت علمني وبالسر لي باح= ما واحدن بالناس حقق مراده
اللي فقيرن يعصر القرش بالرًُح=يصعب عليه القرش يترك جناده
القرش عنده راس مالع اذا راح= مثل الصديق اللي تجاهل وداده
هذي علاقه وافيه صبر وكفاح=حتى غدا قرشه رفيق الوساده
مثله يعاني فقر جاير وفضاح=الستر ثوبه والمراره عتاده
و:: هذايمثل دورهاني ومرتاح= والضحك والبسمه لدور الرياده
لا هو:ضحك صادق ولاهوب مزًُاح=تمثيل في تمثيل رغم الاجاده
الكل في بحر العناصار سبًُاح=والكل في نهر الشقاوالنكاده
اللي غني: يعشق مزايين واملاح= في نارهم يشعل توالي رماده
يهنون في ماله ويفرح اذا ناح= الناس من حوله برسم السياده
لاقيل له: ياسيدي فز واجتاح= كل الغرور اللي بنى له عماده
حتى الكلاب اللي لها صوت وانباح= لاشافته:حلًُت عليها الركاده
هو:: يدري ان الجوع للكل ذباح= لولا الغنى تشناه حتى القراده
من تجربه عايشتها سرًُ وايضاح=من تجربه جار القلم في مداده
الفقر عشته وافتخر فيه لالاح=والفقر عايشته بطعم الاباده
اسعد ليالي عشتها نار واجراح= ايام فقري ماعليها زياده
حتى الغنى عشته ولا ازيده ايضاح= الحر يدري ماتفيد الاعاده
هم:يحسبوني ناس يالطبع شحًُاح=والحال يعلمها من ارسى عماده
اثر القناعه كنز واصحاب واسلاح=خل الطمع لهله وعاند وعاده
[/poet]