للمبتدئات بالمكياج فقط....أسماء المكياج

مرحبا يا مبدتئات...
شوفوا حبايبي..

أنا اليوم راح أكتب لكم الأسماء الشائعة للمكياج...

يعني في بعض البنات اللي ما عندهم خبرة بالمكياج مايعرفون شنو يعني كونسيلر وفاونديشن و....الخ..

اليوم راح أعلمكم..

الفاونديشن (foundation)= كريم الأساس للوجه
وفي منه أنواع هي: ليكويد( liquid) = كريم الأساس السائل.
كومباكت(compact)= الأساس المضغوط
لوز باودر (lose powder) = البودرة الحرة (السايبة)

تقدرين تستعملين الكريم الأساس وتحطين فوقه البودرة السايبة..
أو تقدرين تستخدمين البودرة المضغوطة لحالها( تكون2 في 1 يعني تشمل كريم أساس وبودرة سايبة)


الكونسيلر(concealer)= كريم خافي العيوب (يوضع تحت العين لإخفاء السواد)
وتقدرين تستعملينه لإخفاء الحبوب...يعني تحطين منه شوي على كل حبة طبعا قبل كريم الأساس...

الآي لاينر(eye liner) = الكحل السائل ويوضع على الجفن..

الآي شادو(eye shadow) = الظل اللي ينحط على الجفون..وفي منه بودرة وكريمي..

البلاشر (blasher)= هو بودرة أحمر الخدود ..وفي منه بودرة وكريمي..

ليب لاينر(lip liner) = هو قلم محدد الشفايف...

جلوس(gloss) = هو ملمع الشفايف ويوضع فوق الروج..

المستورايزر= هو كريم مرطب يوضع قبل كريم الأساس وهو أول خطوة نعملها لما نضع المكياج

منقول للفائدة

ديم