تكفون يا ربعي تكفون يا شباب بني عمرو

قلعة طاحت وش اسوي بها
منتدى يهوي كل يوم نحو القاع
من يرفعه ويعيده لمجده
من يداوي جراحه ويقوي عضده
منتديات بني عمرو
اسم جميل لنا جميعا
اسم تعلقنا به
ولكن
من المسؤول في كل ما يحدث
من المسؤول في هروب الاعضاء
من المسؤول في برودة المنتدى
من المسؤول في الطفش اللي لاصق بالمنتدى
من المسؤول ...
ما ادري من المسؤول

هناك أعضاء يرمون سعيد العمري
يقولون ادارته فاشله
وتعامله مع الاخطاء والمشاكل أفشل

ان كان من يدعي عليه باطل فالله يجزيه بسوء نيته
ولا يوفقه ولا يارك فيه
وان كان حقا ما قالوا
فنطالب سعيد العمري بتوزيع مهام الأدارة
لا اقول يتركها ويتنازل عنها
لا هو احق واولى وابدى
بس يعطي صلاحيات للي يشوفهم كفوا لقيادة المنتدى

وهناك من يرمي بعض الأعضاء بانه راس فتنه
وانه يحاول جاهدا ان يهدم المنتدى
بافتعال المشاكل والسعي بين الاعضاء بالباطل

هل السبب من الأدارة او من الأعضاء

اما أنا يا سعيد العمري
عندي اشياء ابي اقولها
بس مو هنا
ولا ابي ازعل من أحد
أو احد يزعل مني

وانتوا يا شباب بني عمرو
طالعوا عن يمينكم وعن يساركم
شوفوا كيف القبايل تحيي منتدياتها

واللي يروح منكم لمنتدى قبيلة ثانيه
ويعرف باسمه
ويقلون وش جابكم يا طحالب
وش جاب اللصق
وتعرفون زين من اللي قاله
من حولكم ما هو بعيد


اما انا فممزق وتمزقت معي العبارة
حاول اجمع اشلاء عبارة جميلة
اقدمها لكم يا بني عمرو
فسامحوني على التقصير
وسامحوني على العتاب

وسامحوني اذا ابتعدت عنكم قليلا
حتى يعود البيت عامرا بأهله كما كان

هذا هو النداء
والله من وراء القصد