الجرح ماهو خاطر شوي ويروق..سعد علوش

الجرح ماهو خاطـر شـوي ويـروق
الجـرح حتـى لـو تشافـى يعللـك
واذاك متحمـس متاهـات وطـروق
انـا تعبـت اشـد حيلـي واحاولـك
سماي ما شيّ شمس ورعود وبروق
والريـح ماهبـت وﻼ‌يجـري الفلـك
والقلب ناشف بحر وشقوقـه شقـوق
وشلـون بيكـوّن سحـاب ويبلـلـك
يا ضامي انا الضما ومتشبع حـروق
واذاك ضامي للمواصل .. انـا هلـك
هلك ووقف في وجهي اﻼ‌صل والذوق
والمجتمع والعـرف والفقـر واهلـك
متعومس وحـزن النبـﻼ‌ء مرمـوق
يعني لو احتاج الك ماجيتـك اسألـك
اللي علي اشكـي واعاتبـك برفـوق
واقـولـك ودي مـاعـاد اتأمـلـك
مـن دورة اﻼ‌يـام ياخـوك مخنـوق
الوقت مشاني مـن السلـك للسلـك
ازل خطوه .. بس مـا ازل منطـوق
ولو صارت ابحب خشمـك واجاملـك
يبقـى البنـي ادم مجـرد ومخلـوق
ملك .. ولكن في الحقيقه بـﻼ‌ ملـك
كذاب.. قايل كـل مطـرود ملحـوق
سنيييين وانا اطردك وازريت ﻻ‌ اوصلك
كنك تطيش وكنـي ادور فـي طـوق
كل ما وصلت اخرك يطلعلـي اولـك
ليت مافي خاطـري شـوق وحـروق
ماكان حسيت ان انا بس مـن كلـك
الشوق ماهو رعشه وقبضة عـروق
وماهو اللي من شينك فعينك يجملـك
وماهو شعور ياخالق الروح برفـوق
وماهو سحر وﻼ‌ ادري والله شقول الك
انا سحابة حلم وتطيـر بـك فـوووق
وتطـيـر وﻼ‌ ودك انـهـا تنـزلـك
الشوق هذا .. واﻼ‌ انا شوقي البـوق
ماقد حصل في شوق هـذي وﻼ‌ تلـك
تدري وش اسوي ليا اضناني الشوق؟؟
اسـوي بعيونـي كــذا واتخيـلـك
واقربـك واتـوق واتـوق واتــوق
واكثـرك واحلـف ماعـاد اقلـلـك
واصورك في الموق وتكبر على الموق
وتطيح مع دمعي على ايـدي واقبلـك
هذا غـﻼ‌ي اللـي مـع الـدم مـدق
وقوﻼ‌ عاد تسأل عن شعوري وازعلك
محبة ماهيب مـن طـارف السـوق
لو انـك توكـل.. كـان والله ﻻ‌كلـك
جيتك حقوق ورحت ماعنـدي حقـوق
وان قلت ما احبك ابجحـد مواصلـك
احبك .. اﻼ‌ يا بـري حالـي وعـوق
من كثر ما احبك اخـاف انـي اقتلـك