نايف العتيبي

سياستي

سياستي مع هاجسي (سستم) خط
جـانـي كــذا مــن فطـرتـي زي مـــا أبـــي

أن ضقت صافحت الورق إلين أطير
بـالـفــكــره الـــلـــي بـــاركـــه عـــنـــد ركـــبـــي

وأدور أجــمــل بــيــت مـقــطــوع الـنـظـيــر
وأدونــــه مــــن هـاجــســي وســـــط كـتــبــي

مـــا أجـامــل الـبـاطــل بــربــي مسـتـجـيـر
رضـــاه وحـــده شـــف راســــي ومـطـلـبـي

الــحــب واقــــع بــــس بـغـيــاب الـضـمـيــر
كــلــن يــقــول أشــلــون أعــشــي مـخـلـبــي

الفقيده

والا عساه أن شان وشانت طواريه
يـجـعـل حـيــاة الـلــي تـركـنــي رغــيــده

أغــلــيــه ظـالــمــنــي ولــكــنـــي أغــلــيـــه
والله لأغــلـــي مـــــن تـركــنــي وأريــــــده

ماهو بعيب ولا أبـي أسمـع مشاريـه
الــحــب أعــمــى والـمـشـاعـر مـجــيــده

صدق وطهـر وشعـور نابـع وبرويـه
ويالله عـسـا مــن غــاب أنـــك تـعـيـده

فقير الشـــوق

علتي حرفين جت لك من لساني
ناطـق أبهـا صـدق فـالوقـت الغـبـر

يـازمـانــي لا لــيــه أشــكــي زمــانـــي
يـا غيابـك أســر(ن) روحــي أســر

وأكتساني في غيابك ما أكتسانـي
وأنـت مـا هـمـك وصــال ولا هـجـر

ناحـرن قلبـي قــدم عيـنـي عشـانـي
لـمـتـك وعـاتـبــت مــــع حــــدة نــظــر

طبعي الوفاء

أنــــــت الــفــصــول الأربــــــع وكــــــان مــاجــيـــت
وشــهــو الـخــريــف وذا الـشــتــاء مـــــع ربـيــعــه

والـصـيـف كــانــك مــــا أنــــت راجــــع فـيـالـيــت
الــلـــي .. يـحــبــكـ.. مـــــا تــحـــاول .. تـبـيــعــه

أول غـــلانـــا .. بـالــبــرائــه .. بــــــلا صـــيــــت
كنـي رضيـع .. وعـاشـق (ن ) لــه رضيـعـه

ومـــن يـــوم شـافـونــي .. بـحــبــك .. تـركـيــت
في مجلس الحب .. ودروب (ن ) فضيعه