مقتطفات

من الإرشيف

تلاطم موج فكري وارتمى في غبته بحًار= وربان الشعور ابحر على جاله وباكوره
وجلت بفكرتي طامح نوادر درت المحًار = لكي اكسب ويدي في متون البحر مغموره
تعنا بي طموحي وغبتك يا بحر فيها اسرار= وبافصح عن علومن في نواة القلب مقبوره
الى منه نوا كسب الرجا ما طفف المعيار= جمع در المعاني وصارت الافكر محصوره
يهابد في ظلام الليل وسطوته هولته تندار = عتاتيم الظلام اللي بلجها الصبح من نوره
على كف الضلام اشعلت لي في معتمته النار = وقدرت الصعايب دامت الهقوات مقدوره
نحرت ادلال فكري في رياض تعتليها ازهار = وركى منكب يدي في ديرتن بالوسم ممطوره
لفا واقبل وسترت خاطري من جيته تختار= على ذاك الشعور اللي رسم قافي على سطوره
لفت لب الغلا عقل ذهل وانمد بالافكار = وعضض شفته من ولهتن تجتاح في طوره
حشيم الطبع مزيونن وتكسر طلته الانظار = قوايمها سبايك كنها بالصنع مقموره
وشًيد صاحبي من خيمه الامال دار ودار = وجيًش من صوافي الفكر مكبوره ومسجوره
رحل عن معجم ايامي وياليت انه ربيع وجار = وعقبه صارت الدنيا عليه مالها صوره
تغشتني فيالق حزن تفري خاطري المغتار = تقود الاه وتحزن قلوب جات مسروره
صحيبي جفت اقلامي عليك وجفت الاحبار = والى مني لقيت الحبر ما حصلت سبوره

الشاعر عائض حمود الضمود الحارثي

[/QUOTE][/QUOTE]