مقتطفات شعرية

السلام عليكم ورحمة الله وبركاته
اسعد الله اوقاتكم جميعاً
أحب الشعر واتذوقه وأحيانا أطلق العنان لنفسي في كتابته
لكني سريع الملل وعديم الصبر ومزاجيتي تتحكم في كثير من أفكاري .

هنا جمعت لكم بعض الأبيات التي كتبتها على فترات متفرقة
اتمنى أن تنال اعجابكم

.......

على ويش تجي تطل وتروح
.... ماكن لي قلب يشتاق ويحن
وأنا على الوصل تعرفني لحوح
.... ولا طولت غيبتك يمكن اجن
أنا هديتك قلب واهديت روح
.... واهديتني جرح وغياب وحزن

.......

تدرين ؟ مليت الشعر والشعر ملّ
..... والأشواق والأحلام مليت منها
راح العمر في البعد بالله وش ظلّ
..... لا تعتذر بظروف ولّى زمنهـا
يكفي عتب وأرجع لبعدك أو أرحلّ
..... هي غلطتي ولا بد أدفع ثمنهاا

.......


غيبتك تكوي قلبي المشتاق لك كي
..... وطيفك يجي دايم بالافكار ويروووح
عطشان حبك واللقاء والوصل مي
..... والسالفه ماتحتاج تفسير وشرووح.......

وأنا معك الأيام تزها وتحلو
.... والروح تنسى في حظورك حزنها
تعال شف الاشواق لك ويش سوو
.... روحي غريب وفيك تلقا وطنهااا

.......

يارب مليت الوجع والوجع ملني
....... ماعاد فيني صبر يارب اسالك الفرج
مشيت كل الدروب وقلت ياعلني
....... وماهمني عاذالٍ ياما فظهري هرج
اضحك ودمعي فاض في عيني وبلني
....... والحظ طايح ويمشي بس يمشي عرج

.......


وين انت يلي فيك روحي تهاوت
..... ابطيت عني والبطا عنك ما اقواه
شف فرحتي واحزان عمري تساوت
.... والله يعين القلب ياكبر بلاوااه
وشف دمعتي والآه بعدك تخاوت
... والروح بعدك خاوت الهم والآاه
وجروح قلبي اللي بقربك تداوت
.... من غبت ينزف كل جرحٍ من اقصاه


وسلامتكم جميعا