اغسلي بالبرد ........

اغسلي بالبرد

اغسلي بالبرد قلب صبٍّ تشهَّد = بعد عقلٍ يدلّه ضاع منه الدليل
ساهرٍ ما رقد لين جفنه تجمَّد = يسهر الليل كلّه في نحيبٍ طويل
جمر شوقي توقّد في ضميري وعَوّد = بالعنا والكلافهْ والبكا والعويل
كلّما اللّيل رد ذكرها له تجدّد = علّةٍ فوق علّه من يداوي العليل
بين صدٍّ وردّ ناعس الطرف سَدّد = نظرةٍ منه عجله من تصيبه قتيل
بعد طيب الوعد من أودّه تمرّد = ما رحم قلب خلّه شام عنه الرّحيل
ملّ منّي السّهد لو ينام المسهّد = طيّب النّوم شَلّه ظبي طرفه كحيل
سامني بالزّهد وفي غرامي تزهّد = منوتي ليت فعله مثل وجهه جميل
له نصيب الأسد في فؤادي مؤكّد = وناظري مستحلّه وما لحبّه بديل
إن تقرّبت صدّ أوتبعّدت هدّد = حيّرنيه بدلّه وين بأمري أميل
مستحيل البعاد له دموعي بتشهد = وانت يالعمر كلّه قربك المستحيل