استفيقي يا مشاعر يا عقول (اهداء خاص لمنتدى بني عمرو)

امل ان اكون قد وفقت في التعبير عن ما بداخلي بهذه القصيده التي ارجو ان تتقبولها مني كاهداء خاص لجميع اعضاء المنتدى الافاضل محبين العروبة والوطنيه وهي بعنوان / (استفيقي يا مشاعر ياعقول)

ياعروبه لي متى هذا الخمول = علمونا علمونا يا بشر
لي متى وقرون هالحيه تطول = لي متى نسكت على ضيم وضرر
لي متى نمشي نزولٍ في نزول = لي متى والغرب يسقينا قهر
نجتمع ونحط ونشيل ونقول = نجمع الأعداد والناتج صفر
يكتب التاريخ عنا وش يقول = يكتب إن أعمارنا راحت هدر
يكتب إنا لا نصول ولا نجول = يكتب إنا من بعضنا في حذر
تنزل القوات جول بدرب جول = وسط أراضينا وتاسرنا أسر
شر منزل لا يزال ولا يزول = والدمى الله يعافينا نهر
حرب ماله لا مبرر لا قبول = فزعة امريكان يقفاها خطر
رشحت رجال سفاح امهبول = للسلام وقالت انحرهم نحر
تستهان القدس حولٍ بعد حول = كملت خمسين في مد وجزر
وين هالفزعات يالنجس الختول = تشعل النيران وتحصل زهر
انت غازي للعقيده والحقول = واحده مطمعك والأخرى دمر
واضحه تدبيرها حتى للخبول =واضح المقصود والخافي ظهر
مانشوفه ياعروبتنا يهول = الحروب مرور والذله امر
مع عدوك لاتدور للحلول = فوق راسك نار من تحتك جمر
ومن يحط الخوف من تحته ذلول = مارفع عينه ولا حصل نصر
ولو تقلدنا تقاليد الرسول =اربع الآلف ينطحهم عشر
ولو نعود للمطايا والزمول = خير من وليَه بها كفر وكدر
استفيقي يا مشاعر يا عقول = المتاعب يوم والعزه دهر