%% قصيدة : سواد الليل %%

من الأرشيف وأتمنى أن تحوز على رضاؤكم ,,

سواد الليل جاب الويل يكيل الهمّ في صدري= يطلّ اسهيل ودمعي حيل مثل السّيل همّالي
والا يا ليل خفّ الميل شدّ الحيل يا صبري=يشيل الخيل كبر الحمل إذا ما قيل جمّالي ؟؟
والا يا طير همّي غير حمل العِير من بدري=يصير الغير يا اهل الخير تتبخر لي أحلامي
وعكس السّير يا اهل الخير مير اسفينتي تجري=وماي البير في ذا الزير يدير الملح بالحالي
وعفت الصمت لو تمتمت وتم الحزن في غدري=أنا ما مت خوف الصمت ولا ماتت ترى اقوالي
ولكن صمت في ذالوقت وقمت احتار في أمري=فلاني رحت ولاني جيت ولاني همت جوّالي
وشعّ النور من شمعي وذاب الشمع ما أدري=وشاع الشعر يتشعّب وشبّ الوجد من حالي
شعاري عشري الوافي ولا ينقص منه شعري=عشيري شاري العشرة يفدّيها با لاموالي
بنيت ابيوت من أوهام ومالي قوت يا عمري=وعفت الصبر رجوى الفجر والانظار في العالي
وفات الفوت انا مبهوت ألا يا موت قم حدري=أجرّ الصوت هو مكبوت شفت القبر في الحالي
وقدري عالي ولكن ما احدن قد عرف قدري=قدر مقدور يا المقرود ما تقدر لي احوالي
ويا كم قد أنا قدّرت ثِِمْ قدّرت ولا أدري=مع التقدير أنا اجعل قدر ثمْ اصدّ عذّالي
حياتي قفرة وبها المسافة تقْطع الظهري=ألا يا لله يسّر ما يزيّن كل الاحوالي