موجود في قلبي ولا يمكن أنساك

ما أنسى جروحك يا عسى الشر ما جاك = شدة تزول ويا عساها تليني
لا باس يا سيدي وروحي تفدّاك = لا باس والله جعلها جات فيني
يا ليتني ذا جا تعنا ووداك = فدوتك رمش العين طول السنيني
شغلة بسيطة يا عسى الهم عداك = ممكن تجي يمك وممكن تجيني
موجود في قلبي ولا يمكن أنساك = والوعد جاك وكان بينك وبيني
القلب لك وحدك ولا كان لسواك = يمكن مقصر بس ربك يعيني
تبغى الصراحة فيك ميت وانا اهواك = واكثر ترا قابل حنينك حنيني
أجمل خطايه يوم تمشي على خطاك = يا ليتها الفرصة تجيك وتبيني
يا قلب لك مني سلامي ويهناك = كلي رضا وافداك يالله عسيني