سوالف حريم راجعين من الزواج

المسكين اللي راح يجيبهم : اركبوا اركبوا.......

اركبوا السيارة وكل وحده تنتبه لا تصك باب السيارة
على عبايتها وبمجرد ما انقفل باب السيارة 00بدأ الأستديو
التحليلي 00اسمعوا ما قاله وما يقوله النساء بعد كل زواج0

الأولى : ايش فيش تأخرتي؟
الثانية : ساعة قاعدة أدور على عباتي 00انتي ما شفتي الحريم
يتضاربون عند العبايات 00العبايات تلخبطت
الثالثة : يا ليتنا ما رحنا زواجهم
أنا : ليش؟
الثالثة : زحمة والبزران يتضاربون بقشر البرتقال ويلعبون
بالماي
الأولى : ما شفتي ذيك اللي كبت القهوة على الحرمه اللي
كانت نايمه؟
الثالثة : لا والله ما شفتها 00انا ما شفت ولا شي في
الزواج 00طول الوقت قاعدة أدور على جزمه بنتي مها
الثانية : ايش رأيكم في الفستان اللي لابسته خلود؟
الأولى : مو حلو 00محنقط عليها والسحاب باين
الأولى: أنا أعجبني مكياج أمل 00تقول ان زوجة خالها جابته
لها هدية من باريس
الثالثة : هههههه من باريس 00تضحك عليك يا هبلا 00تلقينه من
محلات أبو ريالين

وقــــــــــفه

***************

الغريب والعجيب انهم واثناء حديثهم في السيارة يقولون
لبعضهم 00خلاص يا بنات بس 000ترى ما يجوز نتكلم على الناس0

تكــــــــــــــــــــــــمله

الثانية : صح والله كلا مش يا أختي 000ما يجوز نتكلم عليهم 00بس
شفتي الحرمه اللي كانت قاعدة جنبي على العشاء وتقطع لي لحم؟
الأولى : إيه شفتها 00هههههههه متوصيه فيش 00شكلها بتخطبش
لولدها

الثانية : وجع في شكلها هي وولدها 00قاعده تقطع لي من اللحم
الكبار اللي ما ينوكل
وهي طايحه في اللحم الزين0
العشاء
أنا : ايش رأيكم في العشاء
الثالثة : دسم وكله شحم
الأولى : بارد
الثانية :اللحم كبار
الثانية : وفيه حريم ما تعشوا 00قاعدين على الكراسي اللي
في الكوشة 00شايفين نفسهم
الأولى : حتى أم العروسه 00ما تعشت مسكينه 00طول الوقت
قاعدة تبكي
الثالثة : هههههههههه تبكي من الفرحة يا هبلا 00ما شفتي
صدرها منتفخ من الفلوس
بس 00خلاص 00ما يجوز
الله يجزاهم بالخير ماتكلمو في الناس هههههههههه