علوم الديره ايام زمان

بسم الله الرحمن الرحيم
السلام عليكم ورحمة الله وبركاته : وبعد فهذه تبادل العلوم ايام زمان بين الضيف والمضيف وربما حتى الوقت الحاضر ولكنها قلت ولا اعلم هل سبقني احد الى عرضها ام لا واليكم الموضوع:

صاحب البيت : عندما يلفي عليه الضيف يرحب به ويقلطه في البيت ويقرب من النار ويحط المحماس على النار وفيه (طبخة )بن ويقوم بتشهيفها ودقها في المدق او المهراس ثم وضعها في الدلة وطبخها بجنب النار على الجمر حتى يقتنع انها تمام ثم يبهرها بالمتيسر لديه سواءا وجد هيل او يكتفي بالبهارات الاخرى ثم يطعم منها رشفة حتى يتاكد منها وبعدها يسوق الفنجان للضيف ويبداء الحوار فيقول صاحب البيت وهم يتقهوون طبعا:
علومك ونقول اسلم حن بساطة في وادينا والله هادينا لامريض ولاعريض اليماعة كلهم بخير وفي خير مطرنا فتو الله في حرى خير لبار فماها ولله الحمد نعمه حلالنا طيب يرعى فاقته انت حذنا عن ديرتكم ولا مطركم ولا الربع عسى ماعليهم خلاف ولاماذا يرك عندنا ونقول اسلم .

الضيف : والله علمنا سلامتكم بساطة في تيك الديار على ستر الله جميع لامريض ولاعريض الا دايم الستر علينا وعليكم مطرنا نعمه حلالنا بخير عوالنا بخير قعدنا الى اليوم ام يرنا عندكم (ويذكر حايته) هذا مانردبه في علمكم وسلامتكم .

صاحب البيت :ايواسلم وحياك وعلمك وما طلبته فابشربه لو كنا نبيع في العوال.

الضيف:بيض الله وجهك ماتقصر وجراك البيضاء .

في هذه الاثناء تكون المره متقربه من النار تجهز الاكل حسب المتيسر اما تنصب وتيود عيش ويشغثونه او خبز سواءا خبزه او مرادف او ملقى او مقلوب وتعركه او بدون عرك وعندها يغادر الضيف بعد الوجبه واخذ طلبه .
ارجو ان اكون وفقت ومن له ملاحظة فلا عندي مانع من ذلك يعدل .