لو للسحايب سجن يا عبرة التيـه ******والله ما احبسك بخفاقـي ثوانـي

الصمت يكفي ويشفي صدر راعيه
لا صار كل الحكي مالــــــه معانـي


والقلب ما عاد تعنيه المشاريـــــه
والعين ماعاد تغريهـا الامانــــــي


والخاطر العمس من يقدر يسليـه
الناس والا الشعـر والا الاغانــي


يا كاتب الحزن في قلبي وقاريـه
في نظرتي في انفعالي في حناني


ياليت حزني مجرد دمـع وابكيـه
ماهوب عايش معي بين المحانـي


ماهوب يظهر علي واحاول اخفيه
و تصير نظرات حزني هي لساني


لو للسحايب سجن يا عبرة التيـه
والله ما احبسك بخفاقـي ثوانـي



مدري ذكرني زمان كنت ناسيـه
مدري ذكرت الزمان اللي نسانـي


كنت اكره البحر واخاف الغرق فيه
و اليوم احبه واخاف من المواني


كنت اعشق الجاي باحلامه وامانيه
يا ما بنيت بخيالـي لـه مبانـــــــي


ياما رجيت العطا من مـدة يديـه
حتى خذا كل شي ومـا عطانـي

مما اعجبــني وراق لي