الله يجازي من يسوي ...

قصيده اتمنى ان تنال اعجابكم ::

الله يجازي من يسوي سواتـك
وبذنوب من سوى سواتك يجازيك

مشيت درب الثقل وتحب ذاتك
مـــــــاتدري انه للمهالك يوديــــك

وغرك جمالك ياخسارة حلاتك
ماتدري ان ما غير طبعك يحليك

بـــــــتقول زينك يشفع لسيئاتك
الحسن ماهو عن وفاء الحب يعفيك

لو التواضع والوفاء من سماتك
بعت الحبيايب كلهم دين وشريك

لكن عجزت اغيرك يا جراتك
على الغياب اللي بلا عذر ينجيك

خطاي في توضيح وش هي غلاتك
وخطاك في توضيح وش هو تغليك

وشلون توصيني وتنسى وصاتك
وتصد عن صوت تقطع يناديك

ما فاتك التجريح والعذر فاتك
وتبغا رضاي الحين ماعاد يمديك

صحيح احبك بس هذي جزاتك
بعلمك درس يفيدك ويحييك

تدري وش ابيض من خفوقك عباتك
وتدري وش اللي غرني نظرتي فيك

ادري بتستغرب تصبر وجاتك
قصيدة من واحد كان يبغيك

تبغي تناظر وانت عايش مماتاك
شف وحدتك والناس تجلس حواليك

وتبغا تشوف اشجع رجل في حياتك
شفني وانا مقفي على كثر مغليك


وسلامتكم


الشاعر / محمد بن فطيس المري