كان هالدنيا عجيبه شوف ليلتنا عجايب

[poet font="Simplified Arabic,5,white,bold,normal" bkcolor="transparent" bkimage="backgrounds/15.gif" border="none,4,gray" type=2 line=200% align=center use=ex length=0 char="" num="0,black" filter=""]
قالوا الدنيا عجيبه قلت ليلتنا عجايب =والقلم فيها تمرد فوق سلطان الكتابه
وصرت فيها شبه غايب بس انا ما نيب غايب =والدروب طوال والمسرى سرى به من سرى به
صاحبي مالد وجهه يوم لي الحظ عايب =والله انى ما شرهت الا على حضرة جنابه
القصايد قسّموها بينهم مثل النهايب =والمعانى كرروها لين صارت في تشابه
خبروا ليل الهبايب عن ركود ام الهبايب =واعقلوا هاك العتاب اللى ذبحنى في عتابه
كيف ادوّر راحت الايام والدنيا مصايب =وكيف انادى حلمى اللى غاب وارتاح بغيابه
يا قصيدي شاعرك ما خاب بس الظن خايب =وانت قدرك فوق راسي والمهابه لك مهابه
يا عسى يفداك ليلٍ قد سهرته فيك ذايب =بين ترنيم القوافي واللحن لحن الربابه
شاعرٍ بين النجوم ودنيته دنيا غرايب =والزمن هذا غريب وكل نظراته غرابه
شايلٍ همّه وهمٍ داخله بالحيل شايب =ويتمنى ترجع الايام ويعوّد شبابه
يرسم الاحلام مره مخطى ومرات صايب =والنوايا في خفوقه كنّها وجه السحابه
ليله اطول من وصول الحلم وعيون الحبايب =والثوانى تبتديه أحزان وهموم وكآبه
وكان هالدنيا عجيبه شوف ليلتنا عجايب =والقلم فيها تبرّا من مفاهيم الكتابه

[/poet]

ارجو ان تنال اعجابكم