للمتزوجيــــــــــن ( 1 / 3 ) - - لاشوف عزوبي أوعزوبيه خاشين هنا !

في البدايه الموضوع لي ولكم يعني للفائده لنا كلنا
مسوي تنصح ..







خخخخخخخخخخ مسوي تتفلسف هههههههههه يالله اخلص انت وموضوعك ..






( هذه المادة غير مناسبة للعزوبي والعزوبيه )


سلامون يالمتزوجين ..


صباحكم ومسائكم كالعاده وناسة وسعة صدر .. ومسائكم وبرضوه صباحكم مفروش بالورد في سَكَن الزوجيه الجميل

هذا الموضوع هو الحلقة الأولى من ثلاث حلقات ..

الحلقات الثلاث راح أطرح فيها - بإذن الله - بعض الأخطاء الزوجيه والتي لايخلو منها عُشٌّ زوجي واللتي نتجت ومازالت تنتُج .. مع إضافة بعض اللمسات الجميله التُي قد تُسعد الطرفين ولن أنسَ طرق باب بعض الحلول الجميله والتوصيات المليحة .. كي يكون المَسكَن هانئٌ ويتُمَّ الوِفاق والحياةِ السعيده – بحول الله - .

الموضوع زوجي ( بحت ) .. يعني اللي ماله في الطبخه .. أتمنى يشرفنا برّا الموضوع .. من عزّاب وعازبات .. وحونشل وشباصات زهريه ..



أنا حالياً ( داخل القفص الذهبي ) الله يقرفه << واحد يمزح .. وأنا وأعوذ بالله من كلمه أنا أحاول من خلال هذا الموضوع النصح لي اولا ولكم يامتزوجين من حيث قال المُصطفى صلوات ربي وسلامه عليه ( المُسلِم أخو المُسلِم ) ..



الحياة الزوجيه هي أجمل مافي الدُنيا .. فمن منّا يكرهُ الأنُس تحت مِضلّةِ الحنان والقُبلةِ الجميله للذُريّةِ البريئة ..


الكُل يعلم أن الزواج موهبة من الله - عزّ وجلّ - وهبها لعبيده كي يتم التعارف والتناسل والتكاثر .. وهاهم عبيدُ الله في كُل يوم يستبشرون بولادةِ مولود ويفرحون بِمَقدَم عريسٍ وعروس ..



من خلال حلقاتي الثلاث أتمنى من أي زوج أو زوجه وممن يتطور وضعه معي لا يزعل لبعض كلماتي وشرشحاتي .. أن يهدّي من روعه ويشرب له عصير ليمون بااارد .. ويمسك اعصابه .. وترى طرحي راح يكون " أريحي " إلى أبعد درجه وأقصى مرحله .. ومامثل الصراحه في مِتِل ( هيْك ) مواضيع !

- - -

أوّل شي راح أشلوط أخوي الزوج اللي عافسن الدنيا على راس زوجته وودي أنه يقرّب لي أذنه - جعلها ماتقطع - ويسمع مني هالكلمات البسيطه ...

أخوي الزوج .. زوجتك بحاجة إلى حُب وحنان وعطف وأمان .. لأن من طبيعة المرأه أنها تشتاق إلى تِلك الأمور .. لاتقول ياحبيبي ( أنا ماقصّرت والله عنها ) .. وانت كل يوم مشوّتن أبو الأبواب في البيت وجيرانك سامعين صوتك .. بِكُل الوسائل : روّض نفسك على أن تكون ( ذو حنان ) بالفعل لا بالقول فقط !

أخي الزوج الفاضل ..نخذ مثلا فقط ... يوم ان زوجتك تقول لك ( ودّني لأهلي ) وتمنعها .. وش المانع ؟ .. أسأل نفسك بِكُل صراحه ( هل تستطيع الاستغناء عن الذهاب لأهلك ؟ ) .. بعدين ياخوي اللي يشوفك آلحين يوم ان زوجتك تجلس في البيت بتجلس تقابلها وتشرب من كاس الشاهي اللي بين يديها .. ! .. اللي أنا أعرفه أنك يابتجلس على النت أو تصلّح لك في البيت شغله وتجلس تصلّح اللمبات الطافيه أو أنك بتحاول تصرفها وتروح لربعك ! .. يعني زوجتك منت جالس معها إلا أن يشاء الله .. !

تذكّر دائماً أن زوجتك أكثر ارتباطاً بأهلها وبفعلك العنجهي قد ترسم طريقاً لفقدها حُبّك !

الغيره أخوي الزوج جميله خاصّه إذا أضهرتها لزوجتك تصريحاً .. كي تُحسّ بالأمان والحُب الحقيقي .. واترك عنك الخربطه ومطالع حريم الناس في الشوارع ثم تجي عند مرتك وتزوّد " الطين بلّه " وتقعد تبربر لها عن فلانه وعلانه وان طبخها احلى من طبخك والا هم احسن منها ..... فذاك الحديث يقتل قلب المرأه من حيث لاتعلم !

ويوم انك تشوف عيب زوجتك حاول كتمانه وتبيانه بالطريقة السلميه .. فالنقد الصريح غير مُجدي ورُبما يتطوّر النقاش بينكُما إلى عِناد وفرض رأي .. مثلاُ يوم انك تلاحظ أن ريحة " فمْ " زوجتك كريهه .. مهوب تروح تعطيه اياها ( كاش ) وتقول لها ( افوه من ريحتك ) .. بل مُدّ لها بِكُل لطافه ( علك باطوق بالنعناع قوي المفعول والتركيز ) وعطها معها ابتسامه شفّافه .. ولاتنسَ تاخذ لك واحد انت ووجهك ترى فيك حقّك !



خلاص سمعتوا انت واياه هيا افلحوا منيه ...



نأتي لأختنا الزوجه ..

حاولي دائماً أنك ماتستفزّين زوجك .. فالزوج بطبيعته عصبي المزاج وطباعُهُ حادّه .. هدّي اللعب معه .. ثم أركلي الكوره بِكُل بساطه في الثمنيات واستغلّي الموقف لتبريد وضعه وناقشيه فيما عندك بالطريقة الجميله .

الزوجة القنوع نعمه .. يعني اللي ماتقنع بحالها فهذي ( بلشه ) ويبي لها سوط مع ضهرها عشان تعرف تقدّر النعمه ..

اختي الزوجه المهرقله .. الاهتمام بالأولاد شيء جميل ولكن أنتبهي أن لايطغى ذلك على حساب اهتمامك بزوجك .. فمن طبع الزوج أن يكون هو المصدر الأساس في المنزل للرعاية والحُنان في ضلّ بعض الفراغ الذي رُبما يُعانيه في بعض أوقاته ... سُئِلَ رسول الله صلى الله عليه وسلم : أي النساء خير .. فقال : (( التي تسرّه إذا نظر وتطيعُهُ إذا أمر ولا تُخالِفُهُ في نفسِها ولا في مالِه بما يكره ))

بعض الحريم صراحه ( ترفع الضغط .. وتجيب أنواع الأمراض المُعديه ) يوم انها تسأل زوجها كل شوي ( وين بتروح ) .. ( ومع مين بتطلع الليله ) .. اعقلي يامره .. وترى الرجّال يحب يحتفظ ببعض الأمور العاديه في خاطره من دون طرحها لسماع أو مسمع أحد ..



اختي الزوجه ...

خذي بعض الحركات الحلوه .. وعطّري بها حياتك الزوجيه ..

1 / تبغين زوجك يقول في نفسه ( الله يخلي زوجتي ولا يحرمني منها ؟ ) .. إذن عطّري دولاب ملابسه وبخّريه بالرائحة الزكيه .. وتصوّري موقف زوجك يوم انه يفتح الدولاب ويتفاجئ بالرائحة .. أنا متأكد أنه راح يقول تِلكَ الدعوه غصب عنه !

2 / غيّري نمط حياتك وتعشّي أنتي وزوجك على ضوء الشموع المتلألأه داخل غرفة النوم .

3 / إذا كان زوجك راعي حاســـــــب وانترنت .. افتحي جهاز الحاسب واكتب عباره جميله في شاشة التوقف كلّها حُب وغرام .. اذا ماتغزلتي في زوجك اليوم .. متى راح تتغزلين ؟

4 / اقتنصي فرصة الجلوس لوحدكما .. ضعي يدك في يده .. وأسمعيه كُل كلام جميل ومُتغزّل !

5 / حاولي تتبسمين في وجهه بكل وقت ... واذا شفتيه شرى شي جديد فامدحيه حتى لو كان هذا الشي ماهو على ( أدّ المآم ) .. فالمُراد صِلة القلب بالقلب .. والرجُل يحُب المديح دائماً .


نعود للباشا المصرقع

6 / أخوي الزوج .. وانت جاي للبيت حاول تشتري ولو هديه بسيطه ... واتصل في أمّ العيال وقل لها ( جايب لك شي حلو اليوم يابعد قلبي .. ممكن تولمين القهوه .. تراي جاي بالطريق ) ... أنا أشك بأنك يمكن تجي للبيت وماتلاقي زوجتك لأن الأرض يمكن تبلعها من الفرحه !

7 / حدد لك يوم في الشهر .. وقل لزوجتك فيه ( اليوم يومك .. أطلبي اللي تامرين عليه ) .. واطلع انت واياها وخذها للعشاء في أحد المطاعم .. عيش يومك ياقدع !

8 / اذا كنت تشوف أن نوم زوجتك ( ثقيل ) .. فهي فرصتك أنك تجيب قلم أحمر أو ( أحمر الشفاه ) وتكتب على جبهتها ( صباح الخير ياقلبي ) .. وراح تشوف هي المفاجأه إذا صحت من نومها وطالعت نفسها في المرايه .. وقل ماقاله ( الرسمي ) .

أخيراً ..

يقول حبيبنا عليه الصلاة والسلام : " خيركم خيركم لأهله " رواه الترمذي .

:: هذا الموضوع برعاية / شركة بن جربح لبيع المفارش والبطانيات أم نفرين ::

لي عوده مع الجُزء الثاني بإذن الله .

المراجع لهذا الموضوع حياه معاصره ....... و ملطوش منه بعض التوصيات من كذا كتاب ....خخخخخخخ

(منقوووول)