مكالمات لم يرد عليها 18 والرسائل الواردة 20

مكالمات لم يرد عليها 18 والرسائل الواردة 20

--------------------------------------------------------------------------------

بسم الله الرحمن الرحيم ..

السلام عليكم ورحمة الله وبركاته ..

اعزائي اعضاء هذا المنتدى حبيت انقل لكم قصه واقعيه حدثت بكليتي السنه الي طافت ..

تبدأ احداث القصه :

تعرفت على بنت والحمدلله لي الحين علاقتي معاها ممتازة وهي من اقرب صديقاتي ..

صديقتي هذي قبل قبولها بالكليه كانت تدرس في دار حفظ القرآن بالكويت
وهي بنت ونعم الاخلاق .. وكل من عرفها يشهد بهذا الشي ..

حنا بكليتنا المصلى موبعيد عن قسم الاستراحه للطالبات لانكم تعرفون الكليات شغاله لي الساعه 5 العصر وبهذا المكان تلقين اصناف وانواع من البنات ..

كانت بهذا المكان بنت مستجدة ..
ماتعرف احد وبعد فترة تعرفت على بنات طبعا ماكانو خلوقات بس ما عرفتهم عدل الا بعدين طبعا وبطريقه دنيئه نذله عرفوها على شاب وعيشها برعب منه
وبلحظة يأس البنت كانت قاعدة عند باب الاستراحة ..
وكان وقت صلاة الظهر صديقتي الي تكلمت عنها مساع راحت للأستراحه لان المصلى كان مزدحم بالبنات وخافت تطوفا الصلاة ..

ولما دخلت الاستراحه شافت البنت المسكينه الضايعه بين خوفها من الله و من كلام الناس وخوفها من اهلها لو يعرفون الي صارلها والي تعرضتله بالكليه

لما شافت رفيجتي اتجهت لها على طول وكانت معروفه رفيجتي بالأدب والاخلاق بالكليه ..

البنت الضايعه : السلام عليكم .. فلانه ابي مساعدتج ..

رفيجتي : خافت لما نادتها لان البنت الي مو زينه محد يتشرف يوقف عندها وبعدين ردت السلام ..
وعليكم السلام امري بس بسرعه وراي صلاة الظهر ..

البنت الضايعه : ابي رقمج بكلمج في كلام واجد ابيج تسمعينه مني

رفيجتي :خافت تعطيها الرقم ففكرة انها تصلي الاستخارة وتستشير ربها
هل تعطي البنت رقمها ولا لأ ؟؟
خلاص بس خليني اصلي الظهر بعدين اعطيج الرقم لاني مو حافظته ..

وبعد ما صلت الظهر صلت الاستخارة وارتاحت وعطت البنت رقمها ..

ولما صارت الساعه10 مساء دقت البنت على رفيجتي وقالتلها بالحرف الوضع الي هي عايشه فيه قالت :
انا عايشه بوحل انا والله ماكنت جذي بس البنات الواطيات وصلوني لهذا الحال انا كنت بنت خلوقه بس الحين محد يطالع بوجهي واذا قعدت بمكان قامو الي حوالي جني مرض خبيث او جني بوديهم لنفس طريقي ..

بدأت تبكي بحرقه والم ..

وبعدها قالت هل اذا تبت الله يغفرلي ..

قالت صديقتي :
اي نعم باب التوبه مفتوح والله يقبل من العبد التوبه لو كانت صادقه ..

البنت :
بس شلون انا الشباب يدقون علي ليل نهار يبوني ارد عليهم ..
والسبب كله من الشياطين الي عرفتها .. بالكليه ..

صديقتي :
غيري خطج وبعدي عن مكان البنات الي مو زينات تجنبيهم قدر الامكان
وتعالي عندي اقعدي بالمصلى ترى دايم نسوي حقات ذكر ومسابقات دينيه
وصدقيني راح تغيرين ..

البنت :
لا لا انا بنت متربيه بس هم السبب ..

صديقتي :
اكيد انتي متربيه ولو مو متربيه ما فكرتي بهذي الطريقه انج تتوبين صح

البنت :
صح ..

صديقتي :
خلاص سوي الي قلتلج عليه والله يغفرلج ولاتنسين عليج بقيام الليل ترى عمري ما دعيت دعوة بهذا الوقت الا والله سبحانه استجاب لها ادعي لنفسج بالتوبه الصادقه والنصوحه ..

البنت :
ان شاء الله ..



وبعد فترة تقريبا شهر ..


رفيجتي لاحظت التغير بالبنت والكل بعد لاحظ انها تغيرت بطريقه لبسها وكلامها ..

ودقت على رفيجتي وقالت :
الحمدلله انا تغيرت واحس اني مرتاحه الحين واتمنى الله يثبت قلبي على
دينه والسعادة الي اشوفها الحين والراحه .. غيرت رقمي ومحد يزعجني الحين ..

رفيجتي :
الحمدلله هذا بفضل الله سبحانه الله يثبتج ان شاء الله ..

وانتهى الحوار بينهم ببعض الاسئله وبعض الاحداث الي كانت حابه البنت توضحها وتقولها لرفيجتي ..


هذي قصه من عدة قصص تحدث في حياتنا اليوميه اتمنى لي ولكم الثبات على الدين والعقل والاخلاق والله يحفظنا ويحفظ بنات المسلمين من كل مكروة ..
__________________


حين يقسو علينا الزمن.. ويصدر حكمه علينا بالفراق..تصبح السعاده مجرد حلم من الاحلام تراودنا..
فالفراق بالنسبه لي غدا بمثابة العوده لطيفك..احادثه..اناجيه..اتغزل فيه واسأله: اتشتاق لي؟؟

بـــقـــلــــم: عبـــداللــه الـــراجــــح