نظره واي نظره

يا أخوان الطرح جدي والنقاش المفروض يكون بعيد عن التسليه ...
حسب ما ذكر لي أحد أبناء قبيلة القاتل بدهان أن السالفه ما تستاهل القتل
والدعوى عشان الشراري وأولاده يحطبون من أرض ربي بس عادات البدو السابقه
البعض متمسك بها إلى الأن بحجة أن الشراري وأولاده كانوا في أرضهم يحطبون منها
ولم يلقي الشراري بال للموضوع عاد مره ثانيه وأخذ حطب وكان معه ثلاثه من عياله صغار
في السن أكبرهم المقتول عمره 18 سنه بعد ما شافهم الشراري مقبلين عليه ناوينه قام هرب
بسيارته وأولاده الصغار وكان ناوي يلحق عليهم الولد الثالث بسيارته اللي فيها الحطب من نوع
داتسون ولكنه شاء القدر أن تغرز سيارته في أحد الطعوس قام الأخ بدهان راعي الفزعات على باله
وذبح الولد الشايب قبلان الشراري أبو الولد شاف ولده تأخر عليه رجع لقاه مذبوح طبعاً ما صدق بدهان
وجماعته ومسكوا الشايب وعزروبه حيث ربطوه وقصوا لحيته وحطوا في فمه تراب والحين يطالبون بالعفو
الله لا يسامحه اللي يسامحه دام هذا فعله الشين ....
ودكم قناة الساحه ذي ينسفونها والقائمين عليها مسوين فزعه وطلايب على شان أحد موظفيها من جماعة
الشمري بدهان والشعراء قاموا يتنافسون ولاهم يدرون وش السالفه ....