زِيح الِّلثَامْ وتْكلَّمْ بسّْ أنْتَهْ وانا !!!

[poet font="Simplified Arabic,4,silver,bold,normal" bkcolor="darkred" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
يا زايِرْ اللّيل طيفكْ مثلْ وجْهك غَريب = أنتهْ مع الّليل سرٍّ زارني وانْثنى
يا زايرْ الّليل ما ادْري بكْ عَدو أو حبيب =زِيح الِّلثَامْ وتْكلَّمْ بسّْ أنْتَهْ وانا
أخاف إن شفْتْ وَجْهك أن يَزيدْ الوجيْب =في قلبْ معْتادْ قبلك أن يشوفْ الهَنَا
واخافْ أَنِّي إذا ناديتْ لك ما تجيْب =حَيَّرتني فِيكْ يا كلّْ الأَمل والمُنى
أنا طليبك وانتهْ صرْت وَحْدَكْ طليبْ=أخْفيتْ عَنِّي ملامِحْ بَانْ فيها الضَّنَى
سَلَبْتْ عَنِّي ابْتسَاماتي وعَقْلي سليبْ = يا ويْن ضحْكاتي الّلي ضَاع فيها السَّنا
صدْفهْ الْتقيْنا وتَرَى الصّدْفه شبيهْ النَّصِيبْ = يا كَمْ صدْفهْ سعيْدهْ وكمْ صدْفه عَنا
تَبْغِيني أحْتَارْ في وصفكْ أَظنّكْ قريْبْ =أَبْعَدْكْ عَنِّي زمَانٍ مَا رَعَى شَمْلَنَا
غَديْتْ لي لغْز وانا دُومْ لغْزي صعيبْ =أمْحنْتني فِيكْ يا الْفَارِسْ ومالي غنَا
إِنْ قلْت أَحلَّهْ أخاف أنّهْ ظنوني تخيْب =وانْ قلْتْ أخَلِّيْهْ كيف أتْركَهْ حَظّْ وْدَنَا
[/poet]