اما حيـاةٍ كلبوهـا علـى عـز......والا !!!!

السلام عليكم ورحمــــــة الله وبركاتـــــه

قصيــــــــــدة اعجبتني وحبيت انلقلها لكم
حيث انها تتكلــــم عـن واقـــــــع
طبعاً القصيدهـ للشاعــر ابن ميع العازمي
إليكمـ القصيدهـ

احدٍ تحركه المشاعـر ويهتـز=واحدٍ سواليف الخطا مـا تهـزه
بعض العرب ياشيخ ما يقبل الكز=شيخٍ ولا شيوخ القبايـل تكـزه
والبعض عايش في حياته مدزز=من وين مـا ودك تـدزه تـدزه
ان قلت له ياطيب فالي مع الوز=قال اعتبرني يابن الاجـواد وزه
وان قلت له عنز عن الجود عنّز=ويصافحك لو تبتدي في مكـزه
هذاك لو تسلب معاليه ما اهتـز=ما تستفـزه لـو تبـي تستفـزه
ولا فانا ياشيخ عايـش معـزز=لي هيبةٍ من فضل ربي وعـزه
قلبي واعرفه لا توحا الخطا فز=لحيث له مع عزة النفـس فـزه
لو كان نفسي تشتهي لقمة الـرز=ما سقتها للشيخ من شـان رزه
اعز نفسـي وابتعـد واتعـزز=لا صارت الدعوى تطول المعزه
اما حيـاةٍ كلبوهـا علـى عـز=ولا فلا لي عنـد الاجـواد رزه
احدٍ بدون مجامل الناس مرتـز=واحدٍ ولو تجاملـه مـا تـرزه