:::::::: ××× { رأفــت الــهــجــان } ××× :::::::::

أنا طالبك ياخالق الجن والإنـســــــــــان = وعالم خفايا الأرض والنفس والأســـــــــرار
ومرسل بساط الريح بأمرك الى سـلـيـمان = يجوب السماء ويكلم الهدهد الـطـيــــــار
وبأمرك عصى موسى غدت في يده ثعبــان = وكـّفه غدت بيضاء تشابه لها الأنـــــوار
طلبتك وأنا يا ربنا أســـالك الـغـفــــــران = وأسآلك رضاك ورحمتك وأسألك بـإصـرار
تسامح وتغفر زلتي لو نطقها لـســــــــان = وتصلح لي أعمالي إذا قصرت الأعمـــــــار
وهذي قصيده تنشرى بأحسن الأثـمـــان = ولا قالها الاّ عاقلٍ والبيوت كــبـــــــــــــار
بيوتٍ زكيه تشــبه الورد الريـحـــــــــــــان = يعبر في المضمون عن عـطـره الـعـطـــــار
وعند الحقيقه يا نشاما أنا فهمـــــــــــان = وحافظ دروس الدين وأحفظ لأبن عـقــّـــــار
وعـنـدي حِـكّـم قـد قـالـهـا قـبـلـنـا لـقـمــان = وعندي في الدنيا مواقف لـهـا تــذكـــار
أحب الكرامه وأتقدم مع الـشـــجـعـــــان = وفي الـمـعـركـه مـا قـالـوا الـنـاس ماقد غار
وهـذا الـزمن يعطيني الدرس في ديــــــوان = على كل شــكل ولون وأنجح بدون إنـــذار
ولافتني الدنيا لفوف الهواء الأغــصــــــان =ولكني أصبر مثل ما تصبر الأشـــــــــــجــار
وطرد الهوى ماهوب طبعي ولي عـنــــوان = بعيدٍ عن الشــهـوات وأمشــي مع الأبــــرار
وضـيـفـي إذا جـانـي أقـدم لـه الـفـنـجـان = وأرحب وأهلي وأتـنـشـّـــد عن الـخـطـــار
ولي خاطرٍ صافي شهد لي شهود أعيــــان = أحاسب ضميري وأذكر الله في الإســحار
ولا يوجد الشيطان عندي وهو شيطان = ونفسي عزيزه لو تكون اليدين قـــصــــار
أسولف مع العاقل وأقدم له البرهـــــــان = ومن كان جاهل أسـفله وأسـفل الـثـرثــــار
وأنا صادقٍ صدّاق ما أحب أنا الكذبـــان = ومن عادته في الكذب يصبح من الـفـجـــــار
ومن قدم الزله أجازيه بالإحـســــــان = وأغطي عيوبه ما أتـقـفـاه في الأدبــــــــــــار
وأســلم على جاري ولو كان من البلقـان = وأحافظ على عرضـه ولاني معـه مـكــــــــار
وأنا أسمي إذا كبرت حمول الخوي سمحان = أشيل الحمول وعادتي دايم صــبــــــــــار
ولا أشكي لغير الله إذا جـأرت الأزمـــــان = قـريـبٍ مـجـيـبٍ والـفـلـك في يــــــده دوار
ومن فضل رب العرش ماني أبد تــعــبـــان = أداري بروحي والقدم ما يجيه إعـثــــــــــار
ولا أسمع لصوت أهل الغناء صوتهم فـتـان = ولا أنقص الميزان لو صرت من الـتـجـــــار
وشعري نظيف وفيه حكمه بلا نــقــصــــان = وبيت القصيده يعطي الســامعين أفـكـار
وفكر الفتى يكشـفه بين البشـر ويـبــان= تـبـان الـحـقـيـقـه والـخـفـايا بدون أعــــــذار
ومن لايفيد الناس شعره هو الـخــســران = ولا صار شاعر خير من يتبع الـسـمـســـــار
ودنياك يا الأنسان بحر به الحيتـــــــان = يعيش الكبير ويـأكل الي يـجـيـه صـغــــــــار
وراعي الكرامه لو يكون رأفت الـهـجـــان = تـسـدد عـلـيـه الـبـنـدقـيـه بـدون إقـــــــرار
ولو كان عندك في المدينه مئة دكــــان = يولونك الشــيخه وتصبح كـبـيـر الـــــدار
ولكن لو حالك كما فارس الـفــرســــان = ولـكـن مـا تـمـلـك جنيــــــــــــــــهٍ ولا دولار
يقولون ذا مسكين يشكي من الــحـرمان = ولو جيتهم في مجلسٍ قلبوا الأنـظـــــــــــار
تغّير زمان كانوا أهل الكرم شــــيــخــان = من أفعالهم توخذ دروسٍ وفتل أشــــــــوار
وصرنا على قول المثل صاحي ومرضــــان = يموت المريض وياخذ الصاحي التـعـبـــــــار
وفي الختم أصلي عد ما هلت الأمــــــــزان = على آخر رسولٍ وأسمه المصطفى المختــار